|    Mar 28 Tue, 2017 7:56 am

സംസ്ഥാന സ്‌കൂള്‍ കലോല്‍സവം; സര്‍ക്കാര്‍ സ്‌കൂളുകള്‍ക്ക് അഭിമാനമായി മാനന്തവാടി ജിവിഎച്ച്എസ്എസ്

Published : 30th January 2016 | Posted By: SMR

മാനന്തവാടി: സംസ്ഥാന സ്‌കൂള്‍ കലോല്‍സവത്തില്‍ 72 പോയിന്റോടെ ഈ വര്‍ഷവും സര്‍ക്കാര്‍ സ്‌കൂളുകളില്‍ സംസ്ഥാനത്ത് ഒന്നാം സ്ഥാനം നേടി മാനന്തവാടി ജിവിഎച്ച്എസ്എസ് ജില്ലക്ക് അഭിമാനമായി. കഴിഞ്ഞ വര്‍ഷവും ഈ നേട്ടം കരസ്ഥമാക്കിയിരുന്നു.
കലോല്‍സവത്തില്‍ പങ്കെടുത്ത സ്‌കൂളുകളില്‍ സംസ്ഥാനത്തെ പ്രമുഖ സ്വകാര്യ വിദ്യാലയങ്ങളെ പിന്നിലാക്കി 10ാം സ്ഥാനവും മാനന്തവാടി ജിവിഎച്ച്എസ്എസ് നേടിയിരുന്നു. പിന്നാക്ക ജില്ലയില്‍ നിന്നും സംസ്ഥാനത്തു തന്നെ ശ്രദ്ധിക്കപ്പെടുന്ന സര്‍ക്കാര്‍ വിദ്യാലയമായി ഈ വിദ്യാലയം മാറുകയാണ്.
ഈ വര്‍ഷം 50ഓളം വിദ്യാര്‍ഥികളാണ് ജില്ലയ്ക്കു വേണ്ടി സംസ്ഥാനകലോല്‍സവത്തില്‍ പങ്കെടുത്തത്. 11 വ്യക്തിഗത ഇനങ്ങളും അഞ്ചു ഗ്രൂപ്പിനങ്ങളുമുള്‍പ്പടെ 16 ഇനങ്ങളിലാണ് പങ്കെടുത്തത്. തിരുവാതിര, സംഘഗാനം, ദഫ് മുട്ട്, അറബന മുട്ട്, കഥാപ്രസംഗം എന്നിവയില്‍ എ ഗ്രേഡ് നേടി. ആണ്‍കുട്ടികളുടെ നാടോടിനൃത്തം, കൊളാഷ്, കഥാപ്രസംഗം എന്നിവയില്‍ സമ്മാനങ്ങള്‍ നേടി. ഹൈസ്‌കൂള്‍ വിഭാഗത്തിലും മികച്ച മുന്നേറ്റമാണുണ്ടായത്. ഹൈസ്‌കൂള്‍ വിഭാഗം സംഘഗാനത്തില്‍ എ ഗ്രേഡ് നേടിയത് കൂടാതെ കാര്‍ട്ടൂണില്‍ രണ്ടാം സ്ഥാനവും കരസ്ഥമാക്കി. വിജയികളെയും നേട്ടത്തിന് പിന്നില്‍ പ്രവര്‍ത്തിച്ച അധ്യാപകരായ ശിവസുബ്രഹമണ്യന്‍, ദേവദാസ് എന്നിവരെയും പിടിഎ യും സ്റ്റാഫ് കൗണ്‍സിലും അനുമോദിച്ചു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day