|    Nov 24 Fri, 2017 11:14 am
FLASH NEWS

സംസ്ഥാന സ്‌കൂള്‍ കലോല്‍സവം: മാപ്പിളപ്പാട്ട് വേദിയിലും താരമായി സനൂഫ

Published : 21st January 2016 | Posted By: SMR

തിരുവനന്തപുരം: തിരുവനന്തപുരത്ത് നടക്കുന്ന സംസ്ഥാന സ്‌കൂള്‍ കലോല്‍സവത്തിലെ മാപ്പിളപാട്ട് വേദിയില്‍ താരപൊലിമയോടെ എത്തിയ സനൂഫ ഹനീഫിന് ആദ്യ മല്‍സരത്തില്‍ വിജയത്തിളക്കം. സ്വകാര്യ ചാനലിലെ മാപ്പിളപാട്ട് പരിപാടിയിലെ വിജയിയായ സനൂഫ സംസ്ഥാന കലോല്‍സവ വേദിയില്‍ മാറ്റുരയ്ക്കാനെത്തിയത്. കോട്ടക്കല്‍ ഇഎംഎച്ച്എസ്എസ്സിലെ പത്താം ക്ലാസ് വിദ്യാര്‍ഥിനിയാണ് സനൂഫ. കഴിഞ്ഞ രണ്ട് വര്‍ഷം ഷൂട്ടിങ് തിരക്കുമൂലം കലോല്‍സവത്തില്‍ പങ്കെടുക്കാനായില്ല. എന്നാല്‍, ഹൈസ്‌കൂളിനോട് വിടപറയും മുന്‍പേ കലോല്‍സവ വേദിയിലെത്തണമെന്ന ആഗ്രഹ സഫലീകരണത്തിനായി എത്തിയ സനൂഫ ഒന്നാം സമ്മാനം കരസ്ഥമാക്കിയാണ് മടങ്ങുന്നത്. എം എ കരുവാരകുണ്ട് രചിച്ച മുഹവില്‍ സംഗീതം നല്‍കിയ അര്‍ശാങ്കം അശകിയാല്‍ എന്ന ഇശല്‍ ഈരടികളോടെയാണ് സനൂഫ വിജയത്തിലെത്തിയത്. കോട്ടയില്‍ പടി പള്ളിയത്ത് കല്‍പകംചേരി ഹനീഫയുടെയും സലീനയുടെയും മകളാണ് സനൂഫ.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക