|    May 22 Tue, 2018 5:43 pm
FLASH NEWS

സംസ്ഥാന സര്‍ക്കാരിന്റെ മദ്യ നയം : എസ്‌വൈഎസ് താലൂക്ക് ഓഫിസ് ധര്‍ണ ഇന്ന്

Published : 29th June 2017 | Posted By: fsq

 

മലപ്പുറം: സംസ്ഥാന സര്‍ക്കാറിന്റെ മദ്യ നയത്തിനെതിരേ മദ്യം ജയിക്കുന്നു മനുഷ്യത്വം മരിക്കുന്നു എന്ന പ്രമേയത്തില്‍ സുന്നി യുവജന സംഘം ജില്ലാ കമ്മിറ്റിയുടെ ആഭിമുഖ്യത്തില്‍ ഇന്ന് ജില്ലയിലെ താലൂക്ക് കേന്ദ്രങ്ങളില്‍ ധര്‍ണ നടത്തും. രാലിലെ 10ന് ആരംഭിക്കുന്ന ധര്‍ണയില്‍ സമസ്തയുടെയും പോഷക ഘടകങ്ങളുടെയും നേതാക്കളും പ്രവര്‍ത്തകരും അണിനിരക്കും. പെരിന്തല്‍മണ്ണ താലൂക്ക് ഓഫിസിലേക്ക് നടത്തുന്ന ധര്‍ണ പെരിന്തല്‍മണ്ണ ടൗണ്‍ ജുമാമസ്ജിദ് പരിസരത്ത് നിന്ന് റാലിയോടെയാരംഭിച്ച് താലൂക്ക് ഓഫിസ് പരിസരത്ത് സമാപിക്കും. തിരൂരങ്ങാടി താലൂക്ക് ഓഫിസിലേക്ക് നടത്തുന്ന ധര്‍ണ ചെമ്മാട് താജ് ഓഡിറ്റോറിയം പരിസരത്തുനിന്ന് റാലിയോടെയാരംഭിച്ച് താലൂക്ക് ഓഫിസ് പരിസരത്ത് സമാപിക്കും. നിലമ്പൂര്‍ താലൂക്ക് ഓഫിസിലേക്ക് നടത്തുന്ന ധര്‍ണ ചന്തക്കുന്നു ബംഗ്ലാവുകുന്ന് റോഡ് പരിസരത്ത് നിന്നാരംഭിച്ച് താലൂക്ക് ഓഫിസ് പരിസരത്ത് സമാപിക്കും. പൊന്നാനി താലൂക്ക് ഓഫിസിലേക്ക് നടത്തുന്ന ധര്‍ണ പൊന്നാനി ബസ്സ്റ്റാന്റ് പരിസരത്ത് നിന്ന് റാലിയോടെയാരംഭിച്ച് താലൂക്ക് ഓഫിസ് പരിസരത്ത് സമാപിക്കും. തിരൂര്‍ ധര്‍ണ തിരൂര്‍ പാന്‍ബസാര്‍ റിങ് റോഡ് പരിസരത്ത് നിന്ന് റാലിയോടെയാരംഭിച്ച് താലൂക്ക് ഓഫിസ് പരിസരത്ത് സമാപിക്കും. കൊണ്ടോട്ടി താലൂക്ക് ഓഫിസിലേക്ക് നടത്തുന്ന ധര്‍ണ ഖാസിയാരകം പള്ളി പരിസരത്തുനിന്ന് റാലിയോടെയാരംഭിച്ച് താലൂക്ക് ഓഫിസ് പരിസരത്ത് സമാപിക്കും. ഏറനാട് താലൂക്ക് ഓഫിസിലേക്ക് നടത്തുന്ന ധര്‍ണ മഞ്ചേരി പാണ്ടിക്കാട ്‌റോഡിലെ പുതിയ ബസ്സ്റ്റാന്റ് പരിസരത്ത് നിന്ന് റാലിയോടെയാരംഭിച്ച് താലൂക്ക് പരിസരത്ത് സമാപിക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss