|    Feb 18 Sun, 2018 4:54 am
FLASH NEWS
Home   >  Just In   >  

സംസ്ഥാനത്ത് നാളെ മുതല്‍ സ്വകാര്യ ബസ് സമരം

Published : 15th February 2018 | Posted By: Jesla

കൊച്ചി: സംസ്ഥാനത്ത് നാളെ മുതല്‍ സ്വകാര്യ ബസ് സമരം. കൊച്ചിയില്‍ ഇന്ന് രാവിലെ ചേര്‍ന്ന് ബസുടമകളുടെ സംയുക്ത സമര സമതി യോഗത്തിലാണ് നാളെ മുതല്‍ ബസ് സമരം ആരംഭിക്കാന്‍ തീരുമാനിച്ചിരിക്കുന്നത്.

വിദ്യാര്‍ഥികളുടെ യാത്രാനിരക്ക് വര്‍ധിപ്പിക്കാത്ത സര്‍ക്കാര്‍ നിലപാട് അംഗീകരിക്കാന്‍ കഴിയില്ലെന്ന് ബസുടമ സംയുക്ത സമര സമിതി നേതാക്കള്‍ പറഞ്ഞു. മിനിമം ചാര്‍ജില്‍ ഒരു രുപയുടെ വര്‍ധനവ് മാത്രം നടപ്പിലാക്കിക്കൊണ്ട് ബസ് വ്യവസായം മുന്നോട്ടു കൊണ്ടുപോകാന്‍ കഴിയില്ല.ജസ്റ്റിസ് രാമചന്ദ്രന്‍ കമ്മിറ്റി റിപോര്‍ടില്‍ പോലും വിദ്യാര്‍ഥികളുടെ കണ്‍സഷന്‍ ബസുടകമളുടെ മേല്‍ അടിച്ചേല്‍പ്പിക്കരുതെന്ന് നിര്‍ദേശിച്ചിട്ടുണ്ട് എന്നിട്ടം സര്‍ക്കാര്‍ അത് കണ്ടഭാവം നടിക്കുന്നില്ലെന്നും നാളെ മുതല്‍ കേരളത്തിലെ റോഡുകളില്‍ നിന്നും സ്വകാര്യബസുകളെ പിന്‍വലിക്കുന്നതിനൊപ്പം സെക്രട്ടറിയേറ്റ് പടിക്കല്‍ അനിശ്ചിത കാല നിരാഹാര സമരം ആരംഭിക്കുമെന്നും സമര സമിതി നേതാക്കളായ ലോറന്‍സ് ബാബു, ടി ഗോപിനാഥന്‍ എന്നിവര്‍ വാര്‍ത്താ സമ്മേളനത്തില്‍ വ്യക്തമാക്കി

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss