|    Oct 17 Tue, 2017 5:48 am
FLASH NEWS
Home   >  Todays Paper  >  Page 1  >  

സംസ്ഥാനത്തെ സ്‌കൂളുകള്‍ നാളെ തുറക്കും ; സംസ്ഥാനതല പ്രവേശനോല്‍സവം തിരുവനന്തപുരത്ത്

Published : 31st May 2017 | Posted By: fsq

തിരുവനന്തപുരം: രണ്ടു മാസത്തെ മധ്യവേനലവധിക്കുശേഷം സംസ്ഥാനത്തെ സ്‌കൂളുകള്‍ നാളെ തുറക്കുമെന്ന് പൊതുവിദ്യാഭ്യാസ ഡയറക്ടര്‍ കെ വി മോഹന്‍കുമാര്‍ അറിയിച്ചു. സംസ്ഥാനതല പ്രവേശനോല്‍സവം ഊരുട്ടമ്പലം ഗവ. എല്‍പി-യുപി സ്‌കൂളിലാണ് ഒരുക്കിയിരിക്കുന്നത്. മുഖ്യമന്ത്രി പിണറായി വിജയന്‍ കുരുന്നുകളെ സ്വാഗതം ചെയ്യും. അധഃസ്ഥിതര്‍ക്ക് അക്ഷരം നിഷേധിച്ചവര്‍ക്കെതിരേ കേരളത്തില്‍ ആദ്യമായി പ്രതിഷേധസമരം നടന്ന വിദ്യാലയമാണ് സംസ്ഥാനതല പ്രവേശനോല്‍സവത്തിന് വേദിയാവുന്നത്. അക്ഷരവെളിച്ചത്തിനായി അധഃസ്ഥിതര്‍ നടത്തിയ ആദ്യ കലാപമായ കണ്ടല ലഹളയുടെ സ്മരണയ്ക്കായി നിര്‍മിച്ച ശതാബ്ദി സ്മാരകം മുഖ്യമന്ത്രി നാടിന് സമര്‍പ്പിക്കും. ജനകീയ വിദ്യാഭ്യാസ മാര്‍ഗരേഖയുടെ പ്രകാശനവും അദ്ദേഹം നിര്‍വഹിക്കും. ഒന്നാം ക്ലാസില്‍ പ്രവേശനം നേടിയ നവാഗതരെ കഥ പറഞ്ഞുകൊടുത്ത് വിദ്യാഭ്യാസ മന്ത്രി സി രവീന്ദ്രനാഥ് ക്ലാസിലേക്ക് വരവേല്‍ക്കും. സംസ്ഥാനതല പരിപാടിക്കു പുറമെ എല്ലാ ജില്ലകളിലും പ്രവേശനോല്‍സവം ഒരുക്കിയിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക