|    Sep 25 Mon, 2017 10:34 pm
FLASH NEWS
Home   >  Todays Paper  >  page 10  >  

സംയോജിത ധനകാര്യ മാനേജ്‌മെന്റ് സംവിധാനം: പുതിയ വെബ്‌സൈറ്റ് ധനമന്ത്രി ഉദ്ഘാടനം ചെയ്തു

Published : 18th June 2017 | Posted By: fsq

 

തിരുവനന്തപുരം: സംയോജിത ധനകാര്യ മാനേജ്‌മെന്റ് സംവിധാനത്തിന്റെ ഭാഗമായി അക്കൗണ്ടന്റ് ജനറല്‍ കൈകാര്യം ചെയ്യുന്ന സേവനങ്ങള്‍ ലഭ്യമാവുന്ന വെബ്‌സൈറ്റിന്റെ ഉദ്ഘാടനം ധനമന്ത്രി ഡോ. ടി എം തോമസ് ഐസക് നിര്‍വഹിച്ചു. അക്കൗണ്ടന്റ് ജനറല്‍ കൈകാര്യം ചെയ്യുന്ന ഗസറ്റഡ് ജീവനക്കാരുടെ പേ സ്ലിപ്, വാര്‍ഷിക പ്രൊവിഡന്റ് ഫണ്ട് സ്‌റ്റേറ്റ്‌മെന്റ് എന്നിവ ജൂലൈ 1 മുതല്‍ ഡിജിറ്റലാവും. ഈ സേവനങ്ങളാണ് http://ksemp.agker.c-ag.gov.in എന്ന പുതിയ വെബ്‌സൈറ്റിലൂടെ ലഭിക്കുന്നത്. ജീവനക്കാര്‍, ഡ്രോയിങ് ഓഫിസര്‍മാര്‍, ട്രഷറി ഓഫിസര്‍മാര്‍ എന്നിവര്‍ക്ക് ഈ സൈറ്റിലെ സേവനങ്ങള്‍ ഉപയോഗപ്പെടുത്താം. ധനമന്ത്രിയുടെ ചേംബറില്‍ നടന്ന ചടങ്ങില്‍ ധനവകുപ്പ് അഡീ. ചീഫ് സെക്രട്ടറി ഡോ. കെ എം. എബ്രഹാം, പ്രിന്‍സിപ്പല്‍ എജി ആര്‍ പ്രേമന്‍ ദിനരാജ്, ഡെപ്യൂട്ടി എജിമാരായ സുകേന്ദ്രന്‍ പി, വിഷ്ണുകാന്ത് പി ബി എന്നിവര്‍ സംബന്ധിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക