|    Oct 19 Fri, 2018 7:52 am
FLASH NEWS
Home   >  Todays Paper  >  Page 4  >  

സംഭവത്തില്‍ ദുരൂഹതയെന്ന് നാട്ടുകാര്‍

Published : 25th September 2018 | Posted By: kasim kzm

മോഹന്‍ദാസ് എടപ്പാള്‍

എടപ്പാള്‍: തവനൂര്‍ വൃദ്ധമന്ദിരത്തിലെ അന്തേവാസികള്‍ മരിക്കുന്നത് സര്‍വസാധാരണമാണെങ്കിലും തുടര്‍ച്ചയായ രണ്ടു ദിവസങ്ങളിലായി നാലു പേര്‍ മരിക്കാനിടയായ സംഭവം ദുരൂഹത ഉയര്‍ത്തുന്നുവെന്ന് നാട്ടുകാര്‍ പറയുന്നു.
പ്രായാധിക്യവും വാര്‍ധക്യസഹജമായ അസുഖങ്ങളും മൂലം ഇവിടെ ഒട്ടേറെ അന്തേവാസികള്‍ കഴിഞ്ഞ കാലങ്ങളില്‍ മരണപ്പെട്ടിട്ടുണ്ട്. സ്വാഭാവിക മരണങ്ങള്‍ എന്ന നിലയില്‍ മരിച്ചവരുടെ ബന്ധുക്കളെ അറിയിച്ച് സംസ്‌കരിക്കുന്നതും പതിവാണ്. ഉറ്റവരും ഉടയവരും ആരും ഇല്ലാത്ത അന്തേവാസികള്‍ മരണമടഞ്ഞാല്‍ സാമൂഹിക ക്ഷേമ വകുപ്പ് ഉദ്യോഗസ്ഥര്‍ തന്നെ മുന്‍കൈയെടുത്താണ് സംസ്‌കരിക്കുന്നത്. കഴിഞ്ഞ ദിവസം മരണമടഞ്ഞവരിലൊരാളെ ദേഹാസ്വാസ്ഥ്യം മൂലം ഞായറാഴ്ച ആശുപത്രിയില്‍ പ്രവേശിപ്പിച്ചിരുന്നു. എന്നാല്‍, ഒരു ദിവസം പോലും ആശുപത്രിയില്‍ കിടത്താതെ വൃദ്ധസദനത്തിലേക്ക് തിരിച്ചുകൊണ്ടുവരുകയായിരുന്നു. ഹൃദയാസ്വാസ്ഥ്യം അനുഭവപ്പെട്ടയാളെ വിശദ പരിശോധനയ്ക്കും ചികില്‍സയ്ക്കും വിധേയമാക്കുന്നതിനുള്ള നടപടികള്‍ കൈക്കൊണ്ടില്ലെന്നത് അധികൃതരുടെ അനാസ്ഥയായാണ് കാണുന്നത്.
തൊണ്ണൂറോളം അന്തേവാസികള്‍ താമസിക്കുന്ന ഇവിടെ വിവിധ തരത്തിലുള്ള രോഗികളും വാര്‍ധക്യസഹജമായ അസുഖങ്ങളുള്ളവരുമുണ്ട്. ഇവരുടെ ആരോഗ്യ പരിപാലനത്തിനും ആവശ്യമായ ചികില്‍സയ്ക്കും വേണ്ട സൗകര്യങ്ങളൊന്നും ഒരുക്കിയിട്ടില്ലെന്നാണ് അറിയുന്നത്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss