|    Oct 24 Wed, 2018 8:56 am
FLASH NEWS

സംഘപരിവാര സംഘടനകള്‍ അതിക്രമം അവസാനിപ്പിക്കണം: ഡിവൈഎഫ്‌ഐ

Published : 7th February 2018 | Posted By: kasim kzm

പത്തനംതിട്ട: ജില്ലയില്‍ സംഘപരിവാര്‍ സംഘടനകളുടെ നേതൃത്വത്തില്‍ ആസൂത്രിത കലാപത്തിന് നീക്കം നടക്കുന്നതായി ഡിവൈഎഫ്‌ഐ ജില്ലാ പ്രസിഡന്റ് എം വി സഞ്ചുവും സെക്രട്ടറി അഡ്വ കെ യു ജനീഷ് കുമാരും വാര്‍ത്താ സമ്മേളനത്തില്‍ ആരോപിച്ചു. ഇതവസാനിപ്പിക്കാന്‍ ബിജെപി, ആര്‍എസ്എസ് നേതൃത്വങ്ങള്‍ തയ്യാറാകണം. ബിജെപി സംസ്ഥാന പ്രസിഡന്റ് കുമ്മനം രാജശേഖരന്റെ വികാസ് യാത്രക്ക് ശേഷം ജില്ലയില്‍ വ്യാപകമായ അതിക്രമങ്ങളാണ് നടന്നത്. കുമ്പനാട് പെന്തകോസ്ത് സഭക്കെതിരെ നടന്ന ആക്രമണം ഇതിന്റെ ഭാഗമാണ്. ജില്ലയുടെ വിവിധ ഭാഗങ്ങളില്‍ ഡിവൈഎഫ്‌ഐ പ്രവര്‍ത്തകര്‍ക്കും നേതാക്കള്‍ക്കുമെതിരെ  അതിക്രമങ്ങളുണ്ടായി. പതാകകള്‍ നശിപ്പിച്ചു. അതിക്രമങ്ങളില്‍ നിന്നും സംഘപരിവാര്‍ സംഘടനകള്‍ പിന്മാറിയില്ലെങ്കില്‍ ശക്തമായ പ്രതിരോധ സമരം സംഘടിപ്പിക്കും. ഇതിന്റെ ഭാഗമായി ഇന്ന് വൈകിട്ട് അഞ്ചിന് കുമ്പനാട് ജങ്ഷനില്‍ യുവജന സദസ് സംഘടിപ്പിക്കും. ഡിവൈഎഫ്‌ഐ സംസ്ഥാന പ്രസിഡന്റ് എ എം ഷംസീര്‍ എംഎല്‍എ ഉദ്ഘാടനം ചെയ്യും. ഡിവൈഎഫ്‌ഐ സംസ്ഥാന സമിതിയംഗം പി ബി സതീഷ് കുമാറും വാര്‍ത്താസമ്മേളനത്തില്‍ പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss