|    May 23 Tue, 2017 6:26 pm
FLASH NEWS

സംഘപരിവാര പ്രസ്താവനകളെ രാജ്യസഭ അപലപിച്ചു

Published : 4th March 2016 | Posted By: SMR

ന്യൂഡല്‍ഹി: ആഗ്രയില്‍ വിഎച്ച്പി നേതാവിന്റെ കൊലപാതകത്തിന് ന്യൂനപക്ഷങ്ങളോട് പ്രതികാരം ചെയ്യുമെന്ന സംഘപരിവാര നേതാക്കളുടെ പ്രസ്താവനയെ രാജ്യസഭയില്‍ അപലപിച്ചു. ശൂന്യവേളയില്‍ അനുജായാണ് മുസ്‌ലിംകള്‍ രാക്ഷസന്‍മാരാണെന്നും അവരോട് പ്രതികാരം ചെയ്യുമെന്നുമുള്ള സംഘപരിവാര നേതാക്കളുടെ പ്രസ്താവനയെ അപലപിച്ചു സംസാരിച്ചത്.
സമാധാനം ആഗ്രഹിക്കുന്ന ഹിന്ദുക്കള്‍ ഭൂരിപക്ഷമുള്ള രാജ്യത്ത് ഉത്തരവാദപ്പെട്ടവരുടെ ഇത്തരം പ്രസ്താവനകള്‍ രാഷ്ട്രത്തിന്റെ ധാര്‍മികത തകര്‍ക്കുമെന്നും അവര്‍ പറഞ്ഞു. ഇത് രാജ്യത്തിന്റെ വികസന അജണ്ട തകര്‍ക്കും. രാജ്യത്തിന്റെ അഖണ്ഡതയ്ക്കും ഐക്യത്തിനും വേണ്ടി ഭിന്നതകള്‍ മറന്ന് എല്ലാവരും ഒന്നിച്ചു നില്‍ക്കണമെന്നും അവര്‍ ആവശ്യപ്പെട്ടു.
നിരവധി പ്രതിപക്ഷ അംഗങ്ങള്‍ അവര്‍ക്ക് പിന്തുണ നല്‍കി. പാര്‍ലമെന്ററികാര്യ സഹമന്ത്രി മുഖ്താര്‍ അബ്ബാസ് നഖ്‌വിയും അനുജയോട് യോജിച്ചു. അത്തരം പ്രസ്താവനകള്‍ക്ക് സര്‍ക്കാരിന്റെ പിന്തുണയില്ലെന്നും അതിനെ അപലപിക്കുന്നുവെന്നും അദ്ദേഹം വ്യക്തമാക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day