|    Oct 20 Sat, 2018 8:37 am
FLASH NEWS
Home   >  Todays Paper  >  Page 5  >  

സംഘപരിവാര നിയന്ത്രിത സര്‍വകലാശാല കേരളത്തിനു ഭീഷണി: കാംപസ് ഫ്രണ്ട്

Published : 13th September 2018 | Posted By: kasim kzm

കോഴിക്കോട്: കാസര്‍കോട് ജില്ലയില്‍ സംഘപരിവാര നിയന്ത്രണത്തില്‍ കേന്ദ്ര സര്‍വകലാശാല പ്രവര്‍ത്തിക്കുന്നത് കേരളത്തിനു ഭീഷണിയാണെന്നു കാംപസ് ഫ്രണ്ട് സംസ്ഥാന ജന. സെക്രട്ടറി എ എസ് മുസമ്മില്‍. യുജിസി നിയമങ്ങള്‍ അട്ടിമറിച്ച് യൂനിവേഴ്‌സിറ്റിയുടെ പ്രവര്‍ത്തനം സംഘപരിവാരത്തിന് വിട്ടുകൊടുത്ത നടപടി ചോദ്യം ചെയ്യപ്പെടണം. യൂനിവേഴ്‌സിറ്റിയുടെ ചെയ്തികളെ എതിര്‍ക്കുന്നവരെ അറസ്റ്റ് ചെയ്തും അച്ചടക്കനടപടികളെടുത്തും ഭീഷണിപ്പെടുത്തുകയാണ്. ഇടതുപക്ഷം ഭരിക്കുന്ന സംസ്ഥാനത്ത് കേരളാ പോലിസിന്റെ ഒത്താശയോടെ സംഘപരിവാരം അനായാസമായി സര്‍വകലാശാലകള്‍ കൈയടക്കുന്നുവെന്നതു വാര്‍ത്തപോലുമാവുന്നില്ല. നാഗരാജ് എന്ന ദലിത് വിദ്യാര്‍ഥിയെ അന്യായമായി അറസ്റ്റ് ചെയ്തു. ഇതിനെതിരേ പ്രതികരിച്ച അധ്യാപകന്‍ പ്രസാദ് പന്ന്യനെതിരേയും പ്രതികാരനടപടി സ്വീകരിച്ചു. തെറ്റായ നടപടികള്‍ക്കെതിരേ പ്രതിഷേധം ഉയരണമെന്നും ഇരകളാക്കപ്പെട്ട വിദ്യാര്‍ഥികള്‍ക്കും അധ്യാപകര്‍ക്കും പിന്തുണ നല്‍കണമെന്നും മുസമ്മില്‍ ആവശ്യപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss