|    Jan 17 Tue, 2017 8:29 am
FLASH NEWS

സംഘപരിവാര അതിക്രമം: എന്‍ഡബ്ല്യുഎഫ് പ്രതിഷേധിച്ചു

Published : 28th February 2016 | Posted By: SMR

തിരുവനന്തപുരം: സ്ത്രീകള്‍ക്കു നേരെ സംഘപരിവാരം നടത്തുന്ന അക്രമങ്ങളില്‍ പ്രതിഷേധിച്ച് നാഷനല്‍ വിമന്‍സ് ഫ്രണ്ടിന്റെ നേതൃത്വത്തില്‍ തിരുവനന്തപുരം നഗരത്തില്‍ പ്രകടനം നടത്തി. മണക്കാട് നിന്നാരംഭിച്ച പ്രകടനം ഗാന്ധിപാര്‍ക്കില്‍ സമാപിച്ചു. തുടര്‍ന്നു ചേര്‍ന്ന കോര്‍ണര്‍ യോഗം സംസ്ഥാന പ്രസിഡന്റ് നസീമ ടീച്ചര്‍ ഉദ്ഘാടനം ചെയ്തു. വിദ്യാഭ്യാസവും ചരിത്രവും ശാസ്ത്രവും ഗവേഷണവുമെല്ലാം അബദ്ധജടിലമായ കഥകള്‍ മെനഞ്ഞ് മലിനമാക്കിയ സംഘപരിവാരം ഇപ്പോള്‍ സ്ത്രീകള്‍ക്കു നേരെ തിരിഞ്ഞിരിക്കുകയാണെന്ന് അവര്‍ പറഞ്ഞു.
സാമൂഹികപ്രവര്‍ത്തകയായ സോണി സോറിക്കു നേരെ കഴിഞ്ഞദിവസം നടന്ന ആക്രമണം ഇതില്‍ ഒടുവിലത്തേതാണ്. അംബാനിക്കും അദാനിക്കും നാടിനെ വിറ്റ് പണം വാങ്ങിയ ദേശവിരുദ്ധരായ ബിജെപി സര്‍ക്കാര്‍ നിരപരാധികളായ ജെഎന്‍യുവിലെ വിദ്യാര്‍ഥികളെ രാജ്യദ്രോഹക്കുറ്റം ചുമത്തി പീഡിപ്പിക്കുന്നത് അംഗീകരിക്കാനാവില്ലെന്നും അവര്‍ പറഞ്ഞു. ജില്ലാ പ്രസിഡന്റ് മാജിദ നിസാം അധ്യക്ഷത വഹിച്ചു. സംസ്ഥാന കമ്മിറ്റിയംഗം റജീന ്‌നയാസ്, ജില്ലാ സെക്രട്ടറി അസീന സിദ്ദീഖ് സംസാരിച്ചു.

Share on FacebookShare on Google+Tweet about this on TwitterShare on LinkedIn
(Visited 307 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക