|    Jul 27 Thu, 2017 8:32 pm
FLASH NEWS

ഷോപ്പിങ് മാളില്‍ യുവാവിനെ കുത്തിപ്പരിക്കേല്‍പിച്ച കേസ്; സഹോദരന്‍മാര്‍ ഉള്‍പ്പെടെ അഞ്ചുപേര്‍ അറസ്റ്റില്‍

Published : 30th December 2015 | Posted By: SMR

കൊച്ചി: എറണാകുളത്തെ പ്രമുഖ ഷോപ്പിങ് മാളില്‍ ക്രിസ്മസ് ദിനം രാത്രി യുവാവിനെ കുത്തിപരിക്കേല്‍പിച്ച കേസിലെ അഞ്ച് പ്രതികളെ എറണാകുളം സെന്‍ട്രല്‍ പോലിസ് അറസ്റ്റു ചെയ്തു. ക്രിസ്മസ് ദിനം രാത്രിയാണ് സംഭവം.
പൂണിത്തുറ സ്വദേശി നഹാസിനെയാണ് ആറംഗസംഘം കത്തികൊണ്ട് കുത്തിപ്പരിക്കേല്‍പിച്ചത്. ഷോപ്പിങ് മാളില്‍ സിനിമ കാണുന്നതിനായി വന്നതായിരുന്നു നഹാസ്. യാതൊരു പ്രകോപനവും ഇല്ലാതെയാണ് ആറംഗസംഘം കത്തികൊണ്ട് യുവാവിനെ കുത്തിപ്പരിക്കേല്‍പിച്ചത്. സിസിടിവി വിഷ്വല്‍സ് ഉപയോഗിച്ച് നടത്തിയ അന്വേഷണത്തിലാണ് പ്രതികള്‍ വലയിലായത്.
എറണാകുളം രവിപുരം സ്വദേശികളായ മനോജ്, സഹോദരങ്ങളായ ദിനേശ്, ഭുവനചന്ദ്രന്‍, കമലേന്ദ്രന്‍, പട്ടാമ്പി സ്വദേശിയായ ഷിഹാബ് എന്നിവരാണ് പിടിയിലായത്. സഹോദരങ്ങളായ ഭുവനചന്ദ്രന്‍, കമലേന്ദ്രന്‍ എന്നിവര്‍ സെന്‍ട്രല്‍ പോലിസ് സ്‌റ്റേഷനിലെ മുന്‍കേസിലെ പ്രതികളാണ്. എറണാകുളം അസി.കമ്മിഷണര്‍ സുരേഷ്‌കുമാര്‍, സെന്‍ട്രല്‍ സി ഐ വിജയകുമാര്‍, സെന്‍ട്രല്‍ എസ് ഐമാരായ വിമല്‍, ഷിബു, പ്രവീണ്‍, സീനിയര്‍ സിപിഒ റോയി, സിപിഒമാരായ സുരേഷ്, രാജേഷ് എന്നിവരാണ് പ്രതികളെ പിടികൂടിയത്. കോടതിയില്‍ ഹാജരാക്കി റിമാന്റു ചെയ്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക