|    Jan 17 Tue, 2017 8:43 pm
FLASH NEWS

ഷിബിന്‍ വധക്കേസ്:  വാടക വീടുകളുടെ കൈവശ രേഖ കോടതിയില്‍ ഹാജരാക്കി

Published : 2nd April 2016 | Posted By: SMR

കോഴിക്കോട്: തൂണേരി വെള്ളൂരില്‍ സിപിഎം പ്രവര്‍ത്തകന്‍ സി കെ ഷിബിനെ വെട്ടി കൊലപ്പെടുത്തിയ കേസിലെ പ്രതികള്‍ ഒളിവില്‍ താമസിച്ച വാടക വീടുകളുടെ കൈവശ രേഖ കോടതിക്കു കൈമാറി. നാദാപുരം പഞ്ചായത്ത് സെക്രട്ടറി പി ചന്ദ്രന്‍, പെരുമണ്ണ പഞ്ചായത്ത് സെക്രട്ടറി രാമചന്ദ്രന്‍ എന്നിവരാണ് മാറാട് പ്രത്യേക കോടതിയില്‍ വീടുകളുടെ തെളിവുകള്‍ സമര്‍പ്പിച്ചത്. നാദാപുരം മേഖലയിലെ മൂന്നു വീടുകളിലായാണ് പ്രതികള്‍ താമസിച്ചതെന്നും കോടതിയെ അറിയിച്ചു. പ്രതികളില്‍ ഒരാള്‍ ഉപയോഗിച്ചത് തന്റെ മകന്റെ ഫോണാണെന്നു കുനച്ചി കണ്ടിയാര്‍ വീട്ടില്‍ ബഷീറിന്റെ ഭാര്യ റംല നേരത്തെ മൊഴി നല്‍കിയതായി അന്വഷണ ഉദ്യോഗസ്ഥര്‍ പറഞ്ഞിരുന്നു.
എന്നാല്‍, ഇന്നലെ റംല ഇത് നിഷേധിച്ചു. ഇതിനെ തുടര്‍ന്ന് റംല കൂറുമാറിയതായി പ്രോസിക്യൂഷന്‍ കോടതിയെ അറിയിച്ചു. ഇന്ന് ഡോക്ടര്‍മാരെ വിസ്തരിക്കും. പ്രോസിക്യൂഷന് വേണ്ടി സ്‌പെഷല്‍ പ്രോസിക്യൂട്ടര്‍ അഡ്വ.കെ വിശ്വന്‍,അഡ്വ.ബിനുമോന്‍ സെബാസ്റ്റ്യന്‍, അഡ്വ.ഡി അരുണ്‍ ബോസ് എന്നിവരും പ്രതിഭാഗത്തിനു വേണ്ടി സി കെ ശ്രീധരന്‍, അബ്ദുള്‍ലത്തീഫ്, മുസ്തഫ കുന്നുമ്മല്‍, സി എന്‍ അബ്ദുല്‍ നാസര്‍ എന്നിവരും ഹാജരായി.

Share on FacebookShare on Google+Tweet about this on TwitterShare on LinkedIn
(Visited 60 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക