|    Oct 24 Tue, 2017 11:31 am
FLASH NEWS
Home   >  Pravasi  >  Gulf  >  

ഷാര്‍ജയില്‍ 1045 കിലോ പാന്‍ മസാല പിടികൂടി

Published : 1st April 2016 | Posted By: swapna en

pan

ഷാര്‍ജ: ഷാര്‍ജയിലെ ദൈദ് നഗരത്തില്‍ നിന്നും വില്‍പ്പനക്കായി  കൊണ്ട് വന്ന 1045 കിലോ പാന്‍ മസാല ദൈദ് നഗരസഭാ അധികൃതര്‍ പിടികൂടി. രാജ്യത്ത് നിരോധിക്കപ്പെട്ട പാന്‍ മസാല ദൈദ്-ഫുജൈറ റോഡിലെ ഒരു കടയില്‍ വെച്ച്  വില്‍പ്പന നടത്തുന്നുണ്ടെന്ന രഹസ്യ വിവരത്തെ തുടര്‍ന്ന് നഗരസഭാ അധികൃതര്‍ പ്രത്യേക അന്വേഷണ സംഘത്തെ തന്നെ നിയോഗിക്കുകയായിരുന്നു. കടയിലും ഉടമയുടെ വീട്ടിലുമായിരുന്നു വന്‍ തോതിലുള്ള പാന്‍ മസാലകള്‍ സംഭരിച്ച് വെച്ചിരുന്നത്. 55 കിലോ ഭാരമുള്ള 2901 പാന്‍ മസാല പാക്കറ്റുകളും 990 കിലോ അസംസ്‌കൃത പാനുകളുമാണ് പിടികൂടിയത്. പൊതു ജനങ്ങളുടെ ആരോഗ്യത്തിന് ഭീഷണിയാകുന്ന വിധത്തില്‍ രാസ പദാര്‍ത്ഥങ്ങളും മറ്റും കലര്‍ത്തിയായിരുന്നു ഏഷ്യക്കാരനായ കട ഉടമ വില്‍പ്പന നടത്തിയിരുന്നതെന്ന് ദൈദ് നഗരസഭയുടെ ഓപറേഷന്‍ വിഭാഗം മേധാവി സാലിം സയീദ് തുനൈജി അറിയിച്ചു. ഷാര്‍ജ പോലീസ് അറസ്റ്റ് ചെയ്ത കട ഉടമയെ നിയമ നടപടിക്കായി പ്രോസിക്യൂഷന് കൈമാറി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക