|    Jan 24 Tue, 2017 12:32 am

ഷാര്‍ജയില്‍ വാഹനാപകടം; മൂന്നു മലയാളി വിദ്യാര്‍ഥികള്‍ മരിച്ചു

Published : 13th March 2016 | Posted By: SMR

ഷാര്‍ജ: മദാമിനടുത്ത് ഹത്ത റോഡിലുണ്ടായ വാഹനാപകടത്തില്‍ മൂന്നു മലയാളി വിദ്യാര്‍ഥികള്‍ മരിച്ചു.
കോഴിക്കോട് കരുവന്‍തിരുത്തി കുണ്ടില്‍ ആരിയേക്കല്‍ മുസ്തഫ-നൂര്‍ജഹാന്‍ ദമ്പതികളുടെ മകന്‍ മുഹമ്മദ് സുനൂന്‍ (20), നാദാപുരം പാറക്കടവ് താനക്കോട്ടൂര്‍ പോളനാണ്ടി അഷ്‌റഫ്-ഹാജറ ദമ്പതികളുടെ മകന്‍ അഷ്മിദ് (19), പാനൂര്‍ ചെണ്ടയാട് കുനുമ്മലിലെ മുസ്തഫ-നസീറ ദമ്പതികളുടെ മകന്‍ മുഹമ്മദ് ശിഫാം (20) എന്നിവരാണു മരിച്ചത്. മൂവരും ദുബയ് മിഡില്‍സെക്‌സ് യൂനിവേഴ്‌സിറ്റിയിലെ ബിരുദവിദ്യാര്‍ഥികളാണ്.
ഇവരടക്കം അഞ്ചു സഹപാഠികള്‍ മദാമിലെ കൂട്ടുകാരന്റെ വീട്ടില്‍നിന്ന് മടങ്ങവെ കഴിഞ്ഞ ദിവസം അര്‍ധരാത്രിയാണു സംഭവം. ഇവരുടെ കാറിനു പിന്നില്‍ മറ്റൊരു വാഹനമിടിക്കുകയായിരുന്നു. മൂവരും തല്‍ക്ഷണം മരിച്ചു.
പരിക്കേറ്റ രണ്ടുപേര്‍ ചികില്‍സയിലാണ്. വിദ്യാഭ്യാസത്തോടൊപ്പം പിതാവിനെ ബിസിനസില്‍ സഹായിച്ചുവരികയായിരുന്നു സുനൂന്‍. സഹോദരങ്ങള്‍: ഫാത്തിമ ഫിനു, മിന്നത്ത്.
അഷ്മിദിന്റെ പിതാവ് അശ്‌റഫ് ദുബയില്‍ റസ്‌റ്റോറന്റ് നടത്തിവരികയാണ്. സഹോദരങ്ങള്‍: അര്‍ഷദ്, അഫ്‌സല്‍, ഹാഷിര്‍, അജ്‌വദ്, ഫാത്തിമ.
ശിഫാമിന്റെ സഹോദരങ്ങള്‍: ശിഫ, മുഹമ്മദ് ഷിസില്‍. മൃതദേഹങ്ങള്‍ മദാം ഗവ. ആശുപത്രി മോര്‍ച്ചറിയില്‍.

Share on FacebookShare on Google+Tweet about this on TwitterShare on LinkedIn
(Visited 54 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക