|    Oct 19 Thu, 2017 11:55 pm
Home   >  Todays Paper  >  page 7  >  

ഷാരൂഖും ആമിറും രാജ്യത്തിന്റെ പ്രതിച്ഛായ കളങ്കപ്പെടുത്തി: പ്രാചി

Published : 9th December 2015 | Posted By: SMR

ജംഷഡ്പുര്‍: അസഹിഷ്ണുതയുണ്ടെന്നു പ്രചരിപ്പിച്ച് ബോളിവുഡ് താരങ്ങളായ അമീര്‍ഖാന്‍, ഷാരുഖ് ഖാന്‍, സമാജ്‌വാദി പാര്‍ട്ടി നേതാവ് അഅ്‌സംഖാന്‍ എന്നിവര്‍ രാജ്യത്തിന്റെ പ്രതിഛായക്കു കളങ്കമേല്‍പ്പിക്കുകയാണെന്ന് വിശ്വഹിന്ദുപരിഷത്ത് നേതാവ് സാധ്വി പ്രാചി. അസഹിഷ്ണുതയ്‌ക്കെതിരേ നടത്തുന്ന പ്രസ്താവനകള്‍ ഗൂഢാലോചനയുടെ ഭാഗമാണ്. അത് രാജ്യത്തിന്റെ പ്രതിച്ഛായക്കു കളങ്കമേല്‍പ്പിക്കും.
ചില രാജ്യദ്രോഹികള്‍ അവാര്‍ഡുകള്‍ തിരിച്ചു കൊടുക്കുന്നുണ്ട്. കോണ്‍ഗ്രസ് അധ്യക്ഷ സോണിയാഗാന്ധിയും ഇതിനു കൂട്ടുനില്‍ക്കുകയാണ്. ഹിന്ദുക്കള്‍ ഒരിടത്തും കലാപത്തിനു തുടക്കം കുറിച്ചിട്ടില്ലെന്ന് പ്രാചി പറഞ്ഞു. പശുക്കളെ കൊന്നും മാട്ടിറച്ചി മേളയ്ക്ക് ആതിഥ്യം നല്‍കിയും ചിലര്‍ അവരെ കലാപത്തിനു പ്രേരിപ്പിക്കുകയാണ്. ദാദ്രി കൊലപാതകത്തിന്റെ അന്വേഷണം ഉത്തര്‍പ്രദേശ് സര്‍ക്കാര്‍ സിബിഐക്കു വിടാത്തത് എന്തുകൊണ്ടാണെന്ന് അവര്‍ ചോദിച്ചു. പ്രധാനമന്ത്രി നരേന്ദ്ര മോദിയുടെ ഭരണകാലത്തുതന്നെ അയോധ്യയില്‍ രാമക്ഷേത്രം പണിയുമെന്നും സ്വാധ്വി പ്രാചി പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക