|    Nov 21 Tue, 2017 1:26 pm
FLASH NEWS
Home   >  Todays Paper  >  Page 5  >  

ഷാജഹാനെതിരേ വീണ്ടും അച്ചടക്ക നടപടി

Published : 21st June 2017 | Posted By: fsq

 

തിരുവനന്തപുരം: പൊതുപ്രവര്‍ത്തകനും സി-ഡിറ്റ് ഉദ്യോഗസ്ഥനുമായ കെ എം ഷാജഹാനെതിരേ വീണ്ടും സര്‍ക്കാരിന്റെ അച്ചടക്ക നടപടി. ജോലിക്ക് ഹാജരാവാതിരിക്കല്‍, സര്‍ക്കാരിനെതിരായ വിമര്‍ശനങ്ങള്‍ എന്നിവ ചൂണ്ടിക്കാട്ടിയാണ് നടപടി. നടപടിയുടെ ഭാഗമായി ഷാജഹാന് സി-ഡിറ്റ് നോട്ടീസ് നല്‍കി. ജിഷ്ണു പ്രണോയ് കേസുമായി ബന്ധപ്പെട്ട് കുടുംബാംഗങ്ങള്‍ പോലിസ് ആസ്ഥാനത്തിനുമുന്നില്‍ പ്രതിഷേധം നടത്തിയതിനെ തുടര്‍ന്ന് ഷാജഹാനെ അറസ്റ്റു ചെയ്തിരുന്നു. മഹിജയും കുടുംബാംഗങ്ങളും നടത്തിയ സമരത്തിന് ഐക്യദാര്‍ഢ്യം പ്രഖ്യാപിച്ച് സമരസ്ഥലത്തെത്തിയപ്പോഴാണ് ഷാജഹാനെ അറസ്റ്റ് ചെയ്തത്. പോലിസിന്റെ ഈ നടപടി കടുത്ത പ്രതിഷേധത്തിന് കാരണമായിരുന്നു. ഇതേത്തുടര്‍ന്ന് ഷാജഹാന്‍ ഇപ്പോള്‍ സസ്‌പെന്‍ഷനിലാണ്. ലാവലിന്‍ കേസില്‍ ഇടപെട്ടതിനാണ് തന്നെ നിരന്തരം ദ്രോഹിക്കുന്നതെന്ന് ഷാജഹാന്‍ ആരോപിച്ചിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക