|    Oct 17 Tue, 2017 9:53 am
Home   >  Todays Paper  >  page 7  >  

ശൗചാലയമില്ല ; ഭര്‍തൃപിതാവിനെതിരേ യുവതിയുടെ പരാതി

Published : 2nd October 2017 | Posted By: fsq

 

പട്‌ന: ഭര്‍തൃഗൃഹത്തില്‍ ശൗചാലയം നിര്‍മിക്കാത്തതിനു ഭര്‍ത്താവിന്റെ പിതാവിനെതിരേ യുവതി പോലിസില്‍ പരാതി നല്‍കി. ബിഹാറിലെ മുസാഫിര്‍പൂര്‍ ജില്ലയിലെ ചെഗ്ഗന്‍ ന്യൂരാ ഗ്രാമത്തിലാണു സംഭവം. ഭര്‍തൃപിതാവ്, ഭര്‍തൃ സഹോദരന്‍ എന്നിവര്‍ക്കെതിരേയാണു യുവതി പരാതി നല്‍കിയത്. ഭര്‍തൃഗൃഹത്തില്‍ ശൗചാലയമില്ലാത്തതിനാല്‍ തമിഴ്‌നാട്ടില്‍ ജോലി ചെയ്യുന്ന ഭര്‍ത്താവ് നാട്ടിലെത്തുമ്പോള്‍ മാത്രമാണു യുവതി ഇവിടെ താമസിച്ചിരുന്നത്. ശൗചാലയത്തിന്റെ അഭാവം സൃഷ്ടിക്കുന്ന ബുദ്ധിമുട്ടിനെക്കുറിച്ച് നിരവധി തവണ ശ്രദ്ധയില്‍ പെടുത്തിയെങ്കിലും ഫലമുണ്ടായില്ല. തുടര്‍ന്നാണ് യുവതി കഴിഞ്ഞമാസം 25നു പോലിസ് സ്‌റ്റേഷനില്‍ നേരിട്ടെത്തി പരാതി നല്‍കിയത്. വീട്ടില്‍ ഉടന്‍തന്നെ ശൗചാലയം നിര്‍മിക്കാമെന്ന് എഴുതി നല്‍കിയതോടെയാണ് യുവതി പരാതി പിന്‍വലിക്കാന്‍ തയ്യാറായത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക