|    Aug 14 Tue, 2018 9:08 pm
FLASH NEWS
Home   >  Todays Paper  >  page 9  >  

ശ്വാസം അടക്കിപ്പിടിച്ച നാള്‍വഴികളിലൂടെ…

Published : 11th July 2018 | Posted By: kasim kzm

ജൂണ്‍ 23- ഫുട്‌ബോള്‍ ടീമിലെ അംഗങ്ങളായ 12 കുട്ടികളും കോച്ചും കനത്ത മഴയെയും മണ്ണിടിച്ചിലിനെയും തുടര്‍ന്ന് ഗുഹയില്‍ കുടുങ്ങി. പ്രാദേശിക പോലിസ് തിരച്ചില്‍ ആരംഭിച്ചു.
ജൂണ്‍ 24- ഗുഹാമുഖത്ത് നിന്നു കുട്ടികളുടേതെന്നു കരുതുന്ന കൈകാല്‍പ്പാടുകള്‍ കണ്ടെത്തി.
ജൂണ്‍ 25- തായ് നേവിയുടെ നേതൃത്വത്തില്‍ സംഘം സ്ഥലത്ത് ക്യാംപ് ചെയ്യുന്നു. നേവിയുടെ സീല്‍ ഡൈവര്‍മാര്‍ ഗുഹയുടെ ഉള്ളില്‍ പരിശോധന തുടങ്ങി. വെള്ളം പമ്പ് ചെയ്തു നീക്കാന്‍ ശ്രമം.
ജൂണ്‍ 26- തിരച്ചില്‍ സംഘം ടി-ജങ്ഷനില്‍ എത്തുന്നു. മലവെള്ളം കുത്തിയൊലിച്ചതിനെ തുടര്‍ന്ന് പട്ടായ ബീച്ചിലെത്താന്‍ കഴിയാതെ തിരിച്ചുപോരുന്നു.
ജൂണ്‍ 27- ആയിരത്തോളം സൈനികരും നാവികസേനാംഗങ്ങളും രക്ഷാപ്രവര്‍ത്തനത്തിനായി എത്തുന്നു. യുഎസ് സൈനിക സംഘവും സ്ഥലത്ത്. ബ്രിട്ടിഷ് ഡൈവിങ് വിദഗ്ധരും ഗുഹയിലേക്ക്.
ജൂണ്‍ 28- ഗുഹയ്ക്കുള്ളില്‍ വെള്ളപ്പാച്ചില്‍ രൂക്ഷമായതോടെ വെള്ളത്തില്‍ മുങ്ങിയുള്ള രക്ഷാപ്രവര്‍ത്തനം നിര്‍ത്തിവയ്ക്കുന്നു.
ജൂണ്‍ 29- ചൈനയില്‍ നിന്നുള്ള വിദഗ്ധ സംഘം രക്ഷാപ്രവര്‍ത്തനത്തിന്. ഗുഹയില്‍ സമാന്തരമായി തുരങ്കമുണ്ടാക്കാനുള്ള ശ്രമങ്ങള്‍.
ജൂണ്‍ 30- മഴ കുറയുന്നു. ഗുഹയ്ക്കുള്ളിലെ ജലനിരപ്പ് താഴുന്നു. തിരച്ചില്‍ ഊര്‍ജിതമാക്കുന്നു.
ജൂലൈ 1- ഗുഹയ്ക്കുള്ളില്‍  രക്ഷാപ്രവര്‍ത്തനം ഏകോപിപ്പിക്കുവാനുള്ള വാര്‍ ഏരിയ നിര്‍മ്മിക്കുന്നു. എയര്‍ ടാങ്കുകളും മറ്റുപകരണങ്ങളും ഇവിടെ സംഭരിക്കുന്നു.
ജൂലൈ 2- ഗുഹയ്ക്കുള്ളില്‍ അഞ്ചു കിലോമീറ്ററോളം അകലെ ബ്രിട്ടിഷ് കേവ് റസ്‌ക്യൂ കൗണ്‍സില്‍ അംഗങ്ങളും നീന്തല്‍ വിദഗ്ധരുമായ ജോണ്‍ വോളന്തനും റിച്ചാര്‍ഡ് സ്റ്റാന്റനും കുട്ടികളെയും കോച്ചിനെയും കണ്ടെത്തുന്നു. കുട്ടികളുടെ ആദ്യചിത്രം പുറത്ത്.
ജൂലൈ 3- കുട്ടികള്‍ക്ക് ആഹാരവും മരുന്നും എത്തിക്കുന്നു. കുട്ടികളുടെ പുതിയ വീഡിയോ പുറത്ത്.
ജൂലൈ 5- കനത്ത മഴ രക്ഷാപ്രവര്‍ത്തനം സങ്കീര്‍ണമാക്കുമെന്നു തിരിച്ചറിയുന്നു. ഗുഹയ്ക്കുള്ളിലേക്കുള്ള മറ്റു വഴികള്‍ കണ്ടെത്താന്‍ പര്‍വതമേഖലയാകെ തിരച്ചില്‍.
ജൂലൈ 6- ഗുഹയിലുള്ളവര്‍ക്ക് ഓക്‌സിജന്‍ എത്തിച്ച ശേഷം തിരിച്ചുവരവെ മുന്‍ തായ് സൈനികനും നീന്തല്‍ വിദഗ്ധനുമായ സമന്‍ കുനോന്ത് (38) മരിക്കുന്നു.
ജൂലൈ 7- ഗുഹയുടെ മുകളില്‍ നിന്നു കുഴിച്ച് കുഴലുകള്‍ താഴേക്കിറക്കാന്‍ ശ്രമം. 400 മീറ്റര്‍ വരെ കുഴിച്ചെങ്കിലും കുട്ടികളുള്ള ഭാഗം കണ്ടെത്തിയില്ല. ഗുഹയ്ക്കുള്ളിലേക്ക് ഓക്‌സിജന്‍ പമ്പ് ചെയ്യുന്നു.
ജൂലൈ 8- ഗുഹയിലെത്തിയ ആസ്‌ത്രേലിയന്‍ മെഡിക്കല്‍ സംഘം കുട്ടികളുടെ ആരോഗ്യനില പരിശോധിച്ചു പട്ടിക തയ്യാറാക്കി. ബഡ്ഡി ഡൈവിങിലൂടെ നാലു കുട്ടികളെ പുറത്തെത്തിക്കുന്നു. ഇവരെ ഹെലികോപ്റ്ററില്‍ ആശുപത്രിയിലാക്കി.
ജൂലൈ 9- രക്ഷാദൗത്യത്തിന്റെ രണ്ടാം ദിനം. പ്രാദേശിക സമയം വൈകീട്ട് നാലരയോടെ അഞ്ചാമത്തെ കുട്ടിയെ പുറത്തെത്തിച്ചു. മൂന്നു കുട്ടികളെക്കൂടി പുറത്തെത്തിക്കുന്നു.
ജൂലൈ 10- രക്ഷാദൗത്യത്തിന്റെ അവസാന ദിനം. നാലു കുട്ടികളെയും കോച്ചിനെയും പുറത്തെത്തിച്ചു. പ്രാഥമിക ചികില്‍സയ്ക്കു ശേഷം ഇവരെ ആശുപത്രിയിലേക്കു മാറ്റി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss