|    May 27 Sun, 2018 8:47 am
FLASH NEWS
Home   >  Todays Paper  >  Page 1  >  

ശ്രീജിത്തിന്റെ കസ്റ്റഡിമരണംസിബിഐ അന്വേഷണം തേടി ഭാര്യ ഹൈക്കോടതിയില്‍

Published : 25th April 2018 | Posted By: kasim kzm

കൊച്ചി: ശ്രീജിത്തിനെ പോലിസ് മര്‍ദിച്ചുകൊന്ന കേസില്‍ സിബിഐ അന്വേഷണം ആവശ്യപ്പെട്ട് ഭാര്യ അഖില ഹൈക്കോടതിയില്‍ ഹരജി നല്‍കി. കേസിന്റെ ഗൂഢാലോചനയില്‍ മുഖ്യപങ്കുള്ള ആലുവ റൂറല്‍ എസ്പിയായിരുന്ന എ വി ജോര്‍ജ്, പറവൂര്‍ സിഐ ക്രിസ്പിന്‍ സാം എന്നിവരെ അന്വേഷണ സംഘം ഒഴിവാക്കിയിരിക്കുകയാണെന്ന് ഹരജിയില്‍ ആരോപിക്കുന്നു. ഹരജി ഈ മാസം 27ന് പരിഗണിച്ചേക്കും.
കസ്റ്റഡിയിലെ ക്രൂരമര്‍ദനത്തിലാണ് ശ്രീജിത്ത് മരിച്ചതെന്നു ഹരജിയില്‍ പറയുന്നു. സംഭവത്തെ തുടര്‍ന്ന് വരാപ്പുഴ എസ്‌ഐ ജി എസ് ദീപക്കിനെയും എസ്പിയുടെ റൂറല്‍ ടൈഗര്‍ ഫോഴ്‌സില്‍ അംഗങ്ങളായിരുന്ന മൂന്നു പോലിസുകാരെയും അറസ്റ്റ് ചെയ്തു. എന്നാല്‍, കേസിന്റെ ഗൂഢാലോചനയില്‍ മുഖ്യപങ്കുള്ള എ വി ജോര്‍ജ്, ക്രിസ്പിന്‍ സാം ഉള്‍പ്പെടെ സ്വാധീനശക്തിയുള്ള പോലിസ് ഉദ്യോഗസ്ഥരെ കേസില്‍ നിന്ന് ഒഴിവാക്കി.
പോലിസ് ഉദ്യോഗസ്ഥര്‍ പ്രതികളായ കേസില്‍ പോലിസിന് ശരിയായ അന്വേഷണം നടത്താനാവില്ല. അന്വേഷണം സിബിഐക്കു വിടണമെന്നും നഷ്ടപരിഹാരം നല്‍കണമെന്നുമാണ് ഹരജിയിലെ ആവശ്യം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss