|    Oct 19 Thu, 2017 7:27 am
FLASH NEWS
Home   >  Todays Paper  >  Page 4  >  

ശുചീകരണ പ്രവര്‍ത്തനങ്ങളില്‍ പങ്കാളിയായി മോഹന്‍ലാല്‍

Published : 3rd October 2017 | Posted By: fsq

 

തിരുവനന്തപുരം: ഐഎംഎയും കെജിഎംഒഎയും മോഹന്‍ലാല്‍ ഫാന്‍സ് അസോസിയേഷനും സംയുക്തമായി ഗാന്ധിജയന്തി ദിനത്തോടനുബന്ധിച്ച് സംഘടിപ്പിച്ച ശുചീകരണപ്രവര്‍ത്തനങ്ങളില്‍ പങ്കാളിയായി മെഗാസ്റ്റാര്‍ മോഹന്‍ലാല്‍. ശുചീകരണ പരിപാടിയുടെ സംസ്ഥാനതല ഉദ്ഘാടനം അദ്ദേഹം നിര്‍വഹിച്ചു. പിന്നീട് തിരുവനന്തപുരം ഗാന്ധിഭവനിലും മോഡല്‍ സ്‌കൂളിലും നടന്ന ശുചീകരണപ്രവര്‍ത്തനങ്ങളിലും മോഹന്‍ലാല്‍ പങ്കെടുത്തു. ഗാന്ധിജയന്തിയോടനുബന്ധിച്ച് ഗാന്ധിഭവനിലെ പുഷ്പാര്‍ച്ചനയും പ്രാര്‍ഥനയും കഴിഞ്ഞാണ് ശുചീകരണത്തിനായി തൈക്കാട് മോഡല്‍ സ്‌കൂളില്‍ മോഹന്‍ലാല്‍ എത്തിയത്. എല്ലാവരും ശുചീകരണപ്രവര്‍ത്തനങ്ങളില്‍ പങ്കെടുക്കണമെന്നും ഇന്നൊരുദിവസംകൊണ്ട് പ്രവര്‍ത്തനങ്ങള്‍ അവസാനിപ്പിക്കരുതെന്നും ലാല്‍ ഓര്‍മിപ്പിച്ചു. മോഹന്‍ലാലിന്റെ ഇടപെടലിനെ പ്രധാനമന്ത്രി ട്വിറ്ററിലൂടെ പ്രശംസിച്ചു. സ്വച്ഛ് ഭാരത് പദ്ധതിക്ക് എല്ലാ പിന്തുണയും ആവശ്യപ്പെട്ടുകൊണ്ട് മോഹന്‍ലാല്‍, രജനീകാന്ത്, മമ്മൂട്ടി തുടങ്ങിയ പ്രമുഖ താരങ്ങള്‍ക്ക് മോദി കത്തയച്ചിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക