|    Oct 18 Wed, 2017 9:25 am
FLASH NEWS

ശുചിമുറിയില്ലാത്ത ചെക്‌പോസ്റ്റില്‍ നിയമനം; മനുഷ്യാവകാശ കമ്മീഷന്‍ കേസെടുത്തു

Published : 30th June 2017 | Posted By: fsq

 

കാസര്‍കോട്: ശുചിമുറി പോലുമില്ലാത്ത വാണിജ്യനികുതി ചെക് പോസ്റ്റില്‍ 18 ദിവസം തുടര്‍ച്ചയായി ഒരു ഉദ്യോഗസ്ഥനെ ജോലിക്ക് നിയോഗിച്ച അധികൃതരുടെ നടപടിക്കെതിരേ സംസ്ഥാന മനുഷ്യാവകാശ കമ്മീഷന്‍ സ്വമേധയാ കേസെടുത്തു. തിരുവനന്തപുരത്തെ വാണിജ്യ നികുതി കമ്മീഷണര്‍ സംഭവത്തെ കുറിച്ച് അന്വേഷിച്ച് രണ്ടാഴ്ചയ്ക്കകം വിശദീകരണം ഫയല്‍ ചെയ്യണമെന്ന് കമ്മീഷന്‍ അംഗം കെ മോഹന്‍കുമാര്‍ ആവശ്യപ്പെട്ടു. വാണിജ്യ നികുതി വകുപ്പിന്റെ സാറ്റലൈറ്റ് ചെക്ക് പോസ്റ്റായ ബായിക്കട്ട ബേരിക്കയിലാണ് സംഭവം.   കോതമംഗലം സ്വദേശിയായ ഇന്‍സ്‌പെക്ടര്‍ കെ എന്‍ രവിയാണ് പകരക്കാരനില്ലാതെ ജോലിയില്‍ തുടരുന്നത്. രാജ്യം ചരക്കുസേവന നികുതി പാസാക്കാനൊരുങ്ങുമ്പോള്‍ ഇത്തരമൊരു ദുരവസ്ഥ ഒരുദ്യോഗസ്ഥന്‍ അനുഭവിക്കേണ്ടി വരുന്നത് ദയനീയമാണെന്ന് കെ മോഹന്‍കുമാര്‍ പറഞ്ഞു. ചെക്ക് പോസ്റ്റിനോട് ചേര്‍ന്ന ഒരു കടമുറിയിലാണ് രവി ജോലി ചെയ്യുന്നത്. ഉറക്കവും ഭക്ഷണവും ജോലിയുമെല്ലാം ഇവിടെ തന്നെ. സമീപത്തെ സര്‍വിസ് സ്റ്റേഷനിലെ ശുചിമുറിയാണ് ഉദ്യോഗസ്ഥന്‍ ഉപയോഗിക്കുന്നത്. മാധ്യമ വാര്‍ത്തകളുടെ അടിസ്ഥാനത്തിലാണ് കമ്മീഷന്‍ ഇടപെട്ടത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക