|    Aug 18 Sat, 2018 8:08 pm
FLASH NEWS

ശുചിത്വമിഷന്‍ അജൈവ മാലിന്യ സംസ്‌കരണ യജ്ഞം നടപ്പാക്കുന്നു

Published : 18th May 2018 | Posted By: kasim kzm

മലപ്പുറം: ആക്രിക്കച്ചവടക്കാരുടെ സംഘടനയുടെ സഹകരണത്തോടെ വീടുകളിലെ അജൈവ മാലിന്യം ശേഖരിച്ച് പുനരുപയോഗ യോഗ്യമാക്കാനുള്ള യജ്ഞവുമായി ശുചിത്വമിഷന്‍.
പാരിസ്ഥിതിക പ്രത്യാഘാതങ്ങള്‍ സൃഷ്ടിക്കുന്ന മാലിന്യത്തില്‍നിന്നു രക്ഷ നേടുകയും മാലിന്യ സംസ്‌കരണത്തിനായി വരുന്ന ഭീമമായ ചെലവ് കുറച്ച് കൊണ്ടുവരാനും ലക്ഷ്യമിട്ടാണ് പദ്ധതി നടപ്പാക്കുന്നത്. 21 മുതല്‍ 31 വരെ ജില്ലയിലെ നൂറോളം പാഴ് വസ്തു വ്യാപാര സ്ഥാപനങ്ങളില്‍ അജൈവമാലിന്യം ശേഖരിക്കും.
ചെരിപ്പുകള്‍, ബാഗുകള്‍, പ്ലാസ്റ്റിക്കുകള്‍, കുപ്പിച്ചില്ലുകള്‍ എന്നിവ ഉണക്കി വൃത്തിയാക്കി തരംതിരിച്ച് വേണം ശേഖരണ സ്ഥലങ്ങളിലെത്തിക്കാന്‍.
ഇത്തരത്തില്‍ ശേഖരിക്കുന്ന അജൈവ മാലിന്യങ്ങള്‍ക്ക് അവ സംസ്‌കരണ പുനര്‍നിര്‍മാണ കേന്ദ്രങ്ങളിലെത്തിക്കുന്നതിനാവശ്യമായ ചെറിയ തുക മാത്രം നല്‍കിയാല്‍ മതി. അജൈവ മാലിന്യം ശേഖരിക്കാനാളില്ലാത്തതാണ് പലപ്പോഴും മാലിന്യം കുമിഞ്ഞുകൂടാനും അതുവഴി മാരക രോഗങ്ങള്‍ പകരാനും കാരണമാവുന്നത് എന്നതിനാല്‍ ഈ അവസരം പരമാവധി ഉപയോഗപ്പെടുത്തണമെന്ന് ജില്ലാ ശുചിത്വ മിഷന്‍ അറിയിച്ചു. ഫോണ്‍ 9846034564, 9745007650.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss