|    Jun 27 Tue, 2017 3:59 pm
FLASH NEWS
Home   >  National   >  

ശിവസേനാ ഭീഷണി; ഗുലാം അലിയുടെ മുംബൈയിലെ പരിപാടി റദ്ദാക്കി

Published : 28th January 2016 | Posted By: swapna en

GhulamAli

മുംബൈ:നാളെ മുംബൈയില്‍ നടക്കേണ്ടിയിരുന്ന വിഖ്യാത പാക് ഗസല്‍ ഗായകന്‍ ഗുലാം അലിയുടെ പരിപാടി ശിവസേനാ ഭീഷണിയെ തുടര്‍ന്ന് റദ്ദാക്കി. ഗുലാം അലി പാടി അഭിനയിച്ച പുതിയ ഹിന്ദി ചിത്രം ഘര്‍ വാപസിയുടെ സംഗീത പ്രകാശന ചടങ്ങാണ് ശിവസേനയുടെ കടുത്ത എതിര്‍പ്പിനെ തുടര്‍ന്ന് റദ്ദാക്കിയത്. ചിത്രത്തിന്റെ സംവിധായകന്‍ ഷുഹൈബ് ഇല്ല്യാസിയാണ് പരിപാടി റദ്ദാക്കിയ വിവരം മാധ്യമങ്ങളെ  അറിയിച്ചത്.
ഗുലാം അലിയുടെ പരിപാടി റദ്ദാക്കിയതില്‍ അതീവ വിഷമമുണ്ടെന്ന് സംവിധായകന്‍ പറഞ്ഞു. പോലിസിനോട് സുരക്ഷ ആവശ്യപ്പെട്ടിരുന്നു. എന്നാല്‍ അവര്‍ അത് നിരസിച്ചു-ഇല്ല്യാസ് പറഞ്ഞു. ഇത് രണ്ടാം തവണയാണ് ഗുലാം അലിയുടെ പരിപാടി മുംബൈയില്‍ റദ്ദാക്കുന്നത്. നേരത്തെ പുനെയിലും പരിപാടി റദ്ദാക്കിയിരുന്നു. ബി ആര്‍ ചോപ്രയുടെ നിക്കാഹ് എന്ന സിനിമയില്‍ ചുപ്‌കെ ചുപ്‌കെ രാത്ത് ദിന്‍ എന്ന ഗാനത്തിലൂടെയാണ് ഗുലാം അലി ഇന്ത്യന്‍ സിനിമയില്‍ അരങ്ങേറ്റം കുറിച്ചത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക