|    May 29 Mon, 2017 7:43 am
FLASH NEWS

ശിവസേനയുടെ സുവര്‍ണ ജൂബിലി ആഘോഷത്തിന് ബിജെപിയില്ല

Published : 18th June 2016 | Posted By: SMR

bjp-siv-senaമുംബൈ: ഞായറാഴ്ച നടക്കുന്ന ശിവസേനയുടെ 50ാം വാര്‍ഷികാഘോഷത്തിന് സഖ്യകക്ഷിയായ ബിജെപിക്കു ക്ഷണമില്ല. അടുത്തവര്‍ഷം ബ്രിഹാന്‍ മുംബൈ മുനിസിപ്പല്‍ കോര്‍പറേഷനിലേക്ക് വോട്ടെടുപ്പ് നടക്കാനിരിക്കുന്ന സാഹചര്യത്തിലാണ് ബിജെപിയെ പരിപാടിയില്‍നിന്ന് അകറ്റിനിര്‍ത്തിയത്.
പാര്‍ട്ടിയുടെ ആഘോഷം ആഭ്യന്തര കാര്യമായതിനാലാണ് ബിജെപിയെ ക്ഷണിക്കാതിരുന്നതെന്ന് സേനാ വക്താവ് മനീഷ കയന്‍ഡെ പറഞ്ഞു. പാര്‍ട്ടി പ്രവര്‍ത്തകരെ ഊര്‍ജസ്വലരാക്കുന്നതിനു വേണ്ടിയാണ് ആഘോഷം സംഘടിപ്പിക്കുന്നത്. ഈയിടെ അലഹബാദില്‍ ബിജെപി ദേശീയ നിര്‍വാഹകസമിതി യോഗം വിളിച്ചുകൂട്ടിയപ്പോള്‍ സഖ്യകക്ഷികളെ ക്ഷണിച്ചിരുന്നില്ല. എല്ലാ പാര്‍ട്ടികളുടെയും ആഘോഷങ്ങള്‍ അതിലെ അംഗങ്ങള്‍ക്കു മാത്രം വേണ്ടിയുള്ളതാണ് അദ്ദേഹം പറഞ്ഞു.
ബ്രിഹാന്‍ മുംബൈ മുനിസിപ്പല്‍ കോര്‍പറേഷന്‍ തിരഞ്ഞെടുപ്പില്‍ ശിവസേനയും ബിജെപിയും തനിച്ചു മല്‍സരിക്കുമെന്നാണു കരുതുന്നത്. അതേസമയം ശിവസേനയുടെ വാര്‍ഷികാഘോഷം അവരുടെ ആഭ്യന്തര കാര്യമാണെന്ന് ബിജെപി വക്താവ് മാധവ് ഭണ്ഡാരി പറഞ്ഞു.
ശിവസേന -ബിജെപി ഭിന്നതയില്‍നിന്നു മുതലെടുക്കാന്‍ പ്രതിപക്ഷം മുമ്പില്‍ തന്നെയുണ്ട്. ഇരുകക്ഷികളും തമ്മിലുള്ള തര്‍ക്കം പ്രതിപക്ഷത്തിനു മേല്‍ക്കൈ നല്‍കിയിരിക്കുകയാണെന്ന് എന്‍സിപി നേതാവ് കിരണ്‍ പവാസ്‌കര്‍ പറഞ്ഞു. ഞായറാഴ്ച ഗോരേഗാവ് ഈസ്റ്റ് എന്‍എസ്ഇ മൈതാനയിലാണ് സുവര്‍ണ ജൂബിലി ആഘോഷം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day