|    Dec 17 Sun, 2017 7:26 pm
FLASH NEWS
Home   >  Todays Paper  >  page 12  >  

ശിവഗിരിയിലെ വനജാക്ഷി മന്ദിരം ചരിത്രസ്മാരകമായി സംരക്ഷിക്കും

Published : 9th December 2015 | Posted By: SMR

തിരുവനന്തപുരം: ഗാന്ധിജി ശ്രീനാരായണഗുരുവിനെ സന്ദര്‍ശിച്ചതിന്റെ സ്മരണ നിലനിര്‍ത്തുന്നതിനായി ശിവഗിരിയിലെ വനജാക്ഷി മന്ദിരം ചരിത്രസ്മാരകമായി സംരക്ഷിക്കുമെന്ന് വര്‍ക്കല കഹാറിന്റെ സബ്മിഷനു മറുപടിയായി മന്ത്രി കെ സി ജോസഫ് നിയമസഭയെ അറിയിച്ചു. സ്മരണ നിലനിര്‍ത്തുന്നതിന് വനജാക്ഷിമന്ദിരം പുനരുദ്ധരിക്കുക, ഗുരുദേവന്റെയും ഗാന്ധിജിയുടെയും പ്രതിമ സ്ഥാപിക്കുക എന്നിവയാണ് സര്‍ക്കാരിന്റെ പദ്ധതിയിലുള്ളത്.
ശ്രീനാരായണ ഗുരുവിന്റെ ശിഷ്യനായിരുന്ന ആലപ്പുഴ ആലംമൂട്ടില്‍ തറവാട്ടിലെ എ കെ ഗോവിന്ദദാസ് ചാന്നാര്‍ തന്റെ അകാലചരമമടഞ്ഞ മകള്‍ വനജാക്ഷിയുടെ സ്മരണയ്ക്കായി 36 സെ ന്റ് സ്ഥാലം വാങ്ങി ഈ മന്ദിരവും മണ്ഡപവും പണിത് ഗുരുവിനു സമര്‍പ്പിക്കുകയായിരുന്നു. കാലപ്പഴക്കത്താല്‍ മണ്ഡപം നശിച്ചുപോയി. 1928ല്‍ ഗുരുദേവന്‍ സമാധിയായപ്പോള്‍ ഭൗതികശരീരം പൊതുദര്‍ശനത്തിനു വച്ചതും ഇവിടെയായിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss