|    Jul 26 Wed, 2017 6:24 pm
FLASH NEWS

ശാപമോക്ഷം കാത്ത് നൂല്‍പ്പുഴയിലെ മാര്‍ക്കറ്റ് കെട്ടിടം

Published : 22nd November 2015 | Posted By: SMR

സുല്‍ത്താന്‍ ബത്തേരി: നൂല്‍പ്പുഴയിലെ മാര്‍ക്കറ്റ് സമുച്ചയത്തിന് ശാപമോക്ഷമായില്ല. പുതിയ ഭരണസമിതിയെങ്കിലും ഇടപെട്ട് കെട്ടിട സമുച്ചയങ്ങള്‍ സംരക്ഷിക്കണമെന്നാണ് ആവശ്യം. ഒരു പതിറ്റാണ്ട് മുമ്പ് നിര്‍മിച്ച കെട്ടിടങ്ങള്‍ നാശത്തെ നേരിടുകയാണ്.
നൂല്‍പ്പുഴ പഞ്ചാത്തിലെ കല്ലൂരില്‍ നിര്‍മിച്ച മല്‍സ്യ-മാംസ മാര്‍ക്കറ്റാണ് നശിച്ചുകൊണ്ടിരിക്കുന്നത്. കല്ലൂരിന്റ വിവിധ ഭാഗങ്ങളില്‍ പ്രവര്‍ത്തിക്കുന്ന മല്‍സ്യ-മാംസ വില്‍പനക്കാരെ ഒരു കുടക്കീഴില്‍ എത്തിക്കുകയെന്ന ലക്ഷ്യത്തോടെയാണ് ലക്ഷങ്ങള്‍ ചെലവഴിച്ച് കെട്ടിട സമുച്ചയം നിര്‍മിച്ചത്.
എന്നാല്‍, ടൗണില്‍ നിന്ന് ഒന്നര കിലോമീറ്റര്‍ മാറി നിര്‍മിച്ച കെട്ടിടത്തിലേക്ക് ആരും മാറാന്‍ തയ്യാറായില്ല.
കഴിഞ്ഞ ഭരണസമിതി ഈ കെട്ടിടങ്ങള്‍ ടൂറിസം പദ്ധതിയലുള്‍പ്പെടുത്തി മ്യൂസിയം ആക്കുമെന്നു പ്രഖ്യാപിച്ചിരുന്നു. എന്നാല്‍, നടപടികള്‍ എങ്ങുമെത്തിയില്ല. ഈ സാഹചര്യത്തില്‍ നാശത്തെ നേരിടുന്ന കെട്ടിടങ്ങള്‍ സംരക്ഷിക്കാന്‍ പുതിയ ഭരണസമിതി നടപടിയെടുക്കുമെന്ന പ്രതീക്ഷയിലാണ് നാട്ടുകാര്‍.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക