|    Sep 21 Fri, 2018 1:42 am
FLASH NEWS
Home   >  Todays Paper  >  page 7  >  

ശരീഅത്ത് കോടതികള്‍ക്കെതിരേ ഹരജി

Published : 3rd September 2018 | Posted By: kasim kzm

ന്യൂഡല്‍ഹി: വിവാഹവും വിവാഹ മോചനവുമടക്കമുള്ള കാര്യങ്ങള്‍ കൈകാര്യം ചെയ്യുന്ന ശരീഅത്ത് കോടതികള്‍ക്കെതിരേ സമര്‍പ്പിച്ച ഹരജി സുപ്രിംകോടതിയുടെ പരിഗണനയില്‍. ഉത്തര്‍പ്രദേശില്‍ നിന്നുള്ള 21കാരിയും രണ്ടു കുഞ്ഞുങ്ങളുടെ അമ്മയുമായ സിക്രയാണു ഹരജി നല്‍കിയത്. ഐപിസി സെക്ഷന്‍ 498എ പ്രകാരം മുത്ത്വലാഖ് ക്രൂരതയാണെന്നും സെക്ഷന്‍ 375 പ്രകാരം നികാഹ് ഹലാല ബലാല്‍സംഗമാണെന്നു പ്രഖ്യാപിക്കണമെന്നും ഹരജിയില്‍ ആവശ്യപ്പെടുന്നു.
ശരീഅത്ത് കോടതികള്‍ ഭരണഘടനാ വിരുദ്ധമാണെന്നു പ്രഖ്യാപിക്കണമെന്ന് ആവശ്യപ്പെട്ട് നല്‍കിയ ഹരജി ചീഫ് ജസ്റ്റിസ് ദീപക് മിശ്ര, എഎം ഖാന്‍വല്‍കര്‍, ഡിവൈ ചന്ദ്രചൂഡ് എന്നിവരടങ്ങിയ ബെഞ്ചാണ് പരിഗണിക്കുന്നത്.
അതേസമയം, നികാഹ് ഹലാല, ബഹുഭാര്യത്വം എന്നിവയ്‌ക്കെതിരേ നല്‍കിയ ഹരജിയില്‍ കക്ഷി ചേരാന്‍ ഹരജിക്കാരിയായ സിക്രയോട് കോടതി നിര്‍ദേശിച്ചു.
നികാഹ് ഹലാല, ബഹുഭാര്യത്വം എന്നിവക്കെതിരേ നല്‍കിയ ഹരജികള്‍ അഞ്ചംഗ ഭരണഘടനാ ബഞ്ച് പരിഗണിക്കണമെന്ന് മാര്‍ച്ച് 26ന് സുപ്രിംകോടതി തീരുമാനിച്ചിരുന്നു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss