|    Oct 23 Tue, 2018 6:11 pm
FLASH NEWS
Home   >  National   >  

ശമ്പളം ചോദിച്ചതിന് യുവതി പതിമൂന്നുകാരന്റെ കൈ മുറിച്ചുമാറ്റി

Published : 10th May 2017 | Posted By: mi.ptk

ലാഹോര്‍:ശമ്പളം ചോദിച്ച പതിമൂന്നുകാരന്റെ കൈ യുവതി അറുത്തുമാറ്റി. കഴിഞ്ഞ ദിവസം ഷെയ്ഖ്പുരയിലാണ് സംഭവം. ശമ്പളം ചോദിച്ചതിന് ഇര്‍ഫാന്‍ എന്ന പതിമൂന്നുകാരന്റെ കൈ ഷഫ്ഖത് ബീബി എന്ന യുവതി അറുത്തുമാറ്റുകയായിരുന്നു. ആശുപത്രിയില്‍ പ്രവേശിപ്പിച്ച കുട്ടിയുടെ നില ഗുരുതരമാണെന്നാണ് റിപ്പോര്‍ട്ട്.
ഷഫ്ഖത് ബീബിയുടെ വീട്ടില്‍ മാസം 3000 രൂപ ശമ്പളത്തില്‍ ഇര്‍ഫാന്‍ ജോലി ചെയ്തുവരികയായിരുന്നുവെന്ന് മാതാവ് ജന്നത് ബീബി പോലീസിന് മൊഴി നല്‍കി. കഴിഞ്ഞ ഒരു മാസത്തെ ശമ്പളം ചോദിച്ചതിന് ഇര്‍ഫാനുമായി ഷഫ്ഖത് തര്‍ക്കത്തിലാവുകയും ഒടുവില്‍ വൈക്കോല്‍ മുറിക്കുന്ന മെഷീന്‍ ഉപയോഗിച്ച് കുട്ടിയുടെ കൈ അറുത്തുമാറ്റുകയുമായിരുന്നുവെന്നും മാതാവ് പറഞ്ഞു.
പരാതിയുമായി കുട്ടിയുടെ മാതാവ് പോലീസിനെ സമീപിച്ചെങ്കിലും കേസ് രജിസ്റ്റര്‍ ചെയ്യാന്‍ അവര്‍ തയ്യാരായില്ല. തുടര്‍ന്ന് ജില്ലാ കോടതിയെ സമീപിക്കുകയായിരുന്നു. കോടതി നിര്‍ദേശത്തെ തുടര്‍ന്ന് കേസ് രജിസ്റ്റര്‍ ചെയ്ത പോലീസ് യുവതിയെയും സഹോദരനെയും അറസ്റ്റ് ചെയ്തു. സംഭവത്തില്‍ പഞ്ചാബ് മുഖ്യമന്ത്രി പോലീസിനോട് റിപ്പോര്‍ട്ട് ആവശ്യപ്പെട്ടിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss