|    Sep 21 Fri, 2018 12:52 am
FLASH NEWS
Home   >  Todays Paper  >  Page 4  >  

ശബരിമല തീര്‍ത്ഥാടകര്‍ സഞ്ചരിച്ച ഒട്ടോറിക്ഷയും കാറും കൂട്ടിയിടിച്ച് ഒരു മരണം

Published : 18th April 2018 | Posted By: kasim kzm

പത്തനംതിട്ട: ശബരിമല തീ ര്‍ത്ഥാടകര്‍ സഞ്ചരിച്ച ഒട്ടോറിക്ഷയും കാറും കൂട്ടിയിടിച്ച് പെ ണ്‍കുട്ടി മരിച്ചു. ആറുപേര്‍ക്ക് പരിക്കേറ്റു. ഓട്ടോറിക്ഷയില്‍ സഞ്ചരിച്ച മലയാലപ്പുഴ പത്തിശേരി ശ്രീജത്ത് വിലാസത്തില്‍ (തയ്യില്‍) അനഘ (ഏഴ്)യാണു മരിച്ചത്. അനഘയുടെ പിതാവ് വിജേഷ്, മാതാവ് ശ്രീജ, അനഘയുടെ ഇളയ സഹോദരി അമൃത, വിജേഷിന്റെ പിതാവ് വേണുഗോപാല്‍, ശ്രീജയുടെ പിതാവ് സദാശിവന്‍, ഒട്ടോ ഡ്രൈവര്‍ ശശികുമാര്‍ എന്നിവര്‍ക്കാണു പരിക്കേറ്റത്.
തിരുവനന്തപുരം കല്ലമ്പലം സ്വദേശികളായ രണ്ടുപേരാണ് കാറിലുണ്ടായിരുന്നത്. ഇവര്‍ക്ക് പരിക്കില്ല. പമ്പ പോലിസ് സ്‌റ്റേഷനില്‍ ഹാജരായി. ഇവര്‍ക്കെതിരേ പമ്പ പോലിസ് കേസെടുത്തു. ഇന്നലെ രാവിലെ എട്ടരയോടെ ഇലവുങ്കലിനു സമീപമാണ് അപകടമുണ്ടായത്.
കാര്‍ നിയന്ത്രണം വിട്ടതാണ് അപകടത്തിനു കാരണമെന്നറിയുന്നു. തലയ്ക്ക് ഗുരുതര പരിക്കേറ്റ അമൃതയെയും ശ്രീജയെയും ഭര്‍ത്താവ് വിജേഷിനെയും കോട്ടയം മെഡിക്കല്‍ കോളജ് ആശുപത്രിയിലേക്കു മാറ്റി. ശബരിമലയില്‍ ദര്‍ശനം കഴിഞ്ഞ് മടങ്ങിവരികയായിരുന്നു ഒട്ടോറിക്ഷയിലുണ്ടായിരുന്നവര്‍. പത്തനംതിട്ട മേക്കൊഴൂര്‍ ഹോളി എയ്ഞ്ചല്‍സ് സ്‌കൂളിലെ ഒന്നാം ക്ലാസ് വിദ്യാര്‍ഥിനിയായിരുന്നു അനഘ. കോഴിക്കോട് സ്വദേശിയാണ് വിജേഷ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss