|    Oct 22 Mon, 2018 3:22 pm
FLASH NEWS
Home   >  Todays Paper  >  page 7  >  

ശബരിമല: ക്ഷേത്രം തന്ത്രി പുനപ്പരിശോധനാ ഹരജി നല്‍കി

Published : 12th October 2018 | Posted By: kasim kzm

ന്യൂഡല്‍ഹി: ശബരിമല കേസിലെ വിധിക്കെതിരേ ക്ഷേത്രം തന്ത്രി കുടുംബമായ താഴ്മണ്‍മഠവും അഖില ഭാരതീയ മലയാളി സംഘും സുപ്രിംകോടതിയില്‍ പുനപ്പരിശോധനാ ഹരജി നല്‍കി. ക്ഷേത്രം തന്ത്രി കണ്ഠരര് രാജീവര് ആണ് പുനപ്പരിശോധനാ ഹരജി നല്‍കിയത്.
കേസ് ഉയര്‍ന്ന ബെഞ്ചിലേക്ക് വിടണമെന്നാണു തന്ത്രിയുടെ ആവശ്യം. അഡ്വ. മാലിനി പൊതുവാളാണു തന്ത്രിക്കു വേണ്ടി പുനപ്പരിശോധനാ ഹരജി നല്‍കിയത്. അഖില ഭാരതീയ മലയാളി സംഘ് ജനറല്‍ സെക്രട്ടറി ഷൈന്‍ പി ശശിധര്‍ അഡ്വ. വിനായകം ബാലന്‍ മുഖാന്തരമാണു ഹരജി നല്‍കിയത്.
കേസിലെ വാദം നടക്കുമ്പോള്‍ 150 പേജു വരുന്ന സത്യവാങ്മൂലം അഖില ഭാരതീയ മലയാളി സംഘ് നല്‍കിയിരുന്നു. ഇത് അഞ്ചംഗ ഭരണഘടനാ ബെഞ്ച് പരിഗണിച്ചിരുന്നില്ല. തങ്ങളുടെ വാദങ്ങള്‍ പുനപ്പരിശോധനാ ഹരജി പരിഗണിക്കുമ്പോള്‍ വീണ്ടും കേള്‍ക്കാന്‍ തയ്യാറാവണമെന്നു ഹരജിയില്‍ ആവശ്യപ്പെട്ടിട്ടുണ്ട്. കേരള ക്ഷേത്ര സംരക്ഷണ സമിതിക്ക് വേണ്ടി സ്വാമി അയ്യപ്പദാസ്, മാതൃസമിതിക്കു വേണ്ടി ഡോ. ഗീത എന്നിവരും ഇന്നലെ പുനപ്പരിശോധനാ ഹരജി നല്‍കിയിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss