|    Apr 27 Fri, 2018 6:43 am
FLASH NEWS
Home   >  Todays Paper  >  page 12  >  

ശനിയിലും ജീവന്‍? കൗതുകത്തോടെ ലോകം

Published : 1st March 2018 | Posted By: kasim kzm

വാഷിങ്ടണ്‍: ഭൂമിയിലെ പോലെ ജീവന്റെ കണികക ള്‍ കണ്ടെത്താന്‍ സൗരയൂഥത്തില്‍ മറ്റൊരിടത്തു സാധിക്കുമോയെന്ന ശാസ്ത്ര ചോദ്യത്തിന് ഉത്തരം നല്‍കാന്‍ ശനിയുടെ ഉപഗ്രഹമായ എന്‍സെലാഡസിന് സാധിക്കുമെന്നു ഗവേഷകര്‍.
ശനിയുടെ ഉപഗ്രഹമായ എന്‍സെലാഡസില്‍ എകകോശ ജീവികളുടെ ഒരു കോളനിയുണ്ടാവാമെന്നാണു ഗവേഷകര്‍ കരുതുന്നത്. യൂനിവേഴ്‌സിറ്റി ഓഫ് വിയന്നയിലെ മൈക്രോ ബയോളജിസ്്റ്റ് ഡോ. സൈമന്‍ റിട്ട്മാനും സംഘവുമാണു ഗവേഷണത്തിനു പിന്നില്‍. ഇതിനു മുമ്പ് സംഘം നടത്തിയ പഠനത്തില്‍ മഞ്ഞുപാളികള്‍ മൂടിയ എന്‍സെലാഡസിന്റെ ഉപരിതലത്തിനു താഴെ സമുദ്രം ഒഴുകുന്നുണ്ടെന്നു കണ്ടെത്തിയിരുന്നു. എന്നാലിപ്പോള്‍ മീഥൈന്‍, കാര്‍ബണ്‍ ഡൈ ഓക്‌സൈഡ്, അമോണിയ, ഹൈഡ്രജന്‍ എന്നിവയുടെ സാന്നിധ്യവും കൂടി കണ്ടെത്തിയിരിക്കുന്നതു ജീവന്റെ സാധ്യതയായാണു ശാസ്ത്രം നോക്കിക്കാണുന്നത്.
ഉപഗ്രഹത്തിലെ പ്രവര്‍ത്തനങ്ങളുടെ ഭാഗമായാണോ, ജൈവ പ്രവര്‍ത്തനങ്ങളുടെ ഭാഗമായാണോ ഇത്തരം മീഥൈനും മറ്റു വാതകങ്ങളും ഉണ്ടായിരിക്കുന്നതെന്നു മാത്രം ഇനിയറിഞ്ഞാല്‍ മതി. നാച്ചുര്‍ കമ്മ്യൂണിക്കേഷന്‍സിലാണ് ഇതുമായി ബന്ധപ്പെട്ട റിപോര്‍ട്ട് പ്രസിദ്ധീകരിച്ചിരിക്കുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss