|    Oct 18 Wed, 2017 7:35 am
FLASH NEWS
Home   >  Todays Paper  >  page 7  >  

ശത്രുഘ്‌നന്‍ സിന്‍ഹയെ പട്ടിയോടുപമിച്ച് പാര്‍ട്ടി നേതാവ്

Published : 10th November 2015 | Posted By: SMR

ന്യൂഡല്‍ഹി: ബിജെപിയിലെ മോദി വിരുദ്ധ വിഭാഗത്തിലെ മുതിര്‍ന്ന നേതാവും പാര്‍ട്ടിയുടെ ബിഹാറില്‍ നിന്നുള്ള എംപിയുമായ ശത്രുഘ്‌നന്‍ സിന്‍ഹയെ പട്ടിയോടുപമിച്ച് പാര്‍ട്ടി നേതാവ്. ദിവസങ്ങള്‍ക്കു മുമ്പ് ബോളിവുഡ് താരം ഷാരൂഖ് ഖാനെതിരേ വിവാദ പരാമര്‍ശം നടത്തിയ ബിജെപി ജനറല്‍ സെക്രട്ടറി കൈലാഷ് വിജയ് വാര്‍ഗിയ തന്നെയാണ് പാര്‍ട്ടിയുടെ മുതിര്‍ന്ന നേതാവിനെ പട്ടിയോടുപമിച്ച് രംഗത്തെത്തിയത്.
കാറിലിരിക്കുന്ന നായയോടാണ് സിന്‍ഹയെ വാര്‍ഗിയ ഉപമിച്ചത്. കാറിലിരിക്കുന്ന നായ കരുതുന്നത് താന്‍ കാരണമാണ് കാറ് മുന്നോട്ടു പോവുന്നത് എന്നാണ്. രാഷ്ട്രീയത്തില്‍ സിന്‍ഹയുടെ വ്യക്തിത്വം ബിജെപി മൂലമാണ്. അദ്ദേഹം പാര്‍ട്ടിയോടുള്ള കൂറ് തെളിയിക്കണമെന്നും മുന്‍ മധ്യപ്രദേശ് മന്ത്രിയായിരുന്നു വാര്‍ഗിയ പറഞ്ഞു.ബിജെപിയില്‍ അഡ്വാനി വിഭാഗത്തിലെ പ്രധാന നേതാവായ ശത്രുഘ്‌നന്‍ സിന്‍ഹ കഴിഞ്ഞ ദിവസം മോദിക്കെതിരേ പരസ്യമായി രംഗത്തു വന്നിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക