|    Nov 14 Wed, 2018 3:58 am
FLASH NEWS

ശക്തമായ മഴ: വീടിന്റെ മേല്‍ക്കൂര തകര്‍ന്നു

Published : 23rd June 2018 | Posted By: kasim kzm

ചവറ:ശക്തമായ മഴയില്‍ ചവറയിലെ താഴ്ന്ന പ്രദേശങ്ങള്‍ പൂര്‍ണ്ണമായും വെള്ളക്കെട്ടിലായി. പലയിടങ്ങളിലും മരങ്ങള്‍ ഒടിഞ്ഞ് വീണു.
മഴയെ തുടര്‍ന്ന് പന്മനയില്‍ വീടിന്റെ ഭിത്തി ഇടിഞ്ഞ് വീണ് മേല്‍ക്കൂര പൂര്‍ണ്ണമായും തകര്‍ന്നു. പന്മന ഇടപ്പള്ളിക്കോട്ട ഭവനത്ത് പടീറ്റതില്‍ മുഹമ്മദ് പൈലിയുടെ വീടിന്റെ ഭിത്തിയാണ് ഇടിഞ്ഞ് വീണത്. ഇതിനെ തുടര്‍ന്ന് മേല്‍ക്കൂര നിലം പൊത്തി. കഴിഞ്ഞ ദിവസം രാത്രി 10 നായിരുന്നു സംഭവം. വീട്ടില്‍ ഉറങ്ങികിടന്ന പൈലിയും ഭാര്യ ഫാത്തിമാ ബീവിയും വലിയ ശബ്ദത്തോടെ ഭിത്തിയും മേല്‍ക്കൂരയും വീണതോടെ  എണീറ്റ് പുറത്തേക്ക് ഓടി രക്ഷപ്പെടുകയായിരുന്നു. വീടിന്റെ പുറക് വശത്തെ മുറിയുടേയും അടുക്കള ഭാഗത്തേയും ഭിത്തികളാണ് ഇടിഞ്ഞ് വീണത്. ഏത് നിമിശവും ബാക്കിയുള്ള ഭാഗങ്ങളിലെ ഭിത്തികളും ഇടിഞ്ഞ് വീഴാവുന്ന അവസ്ഥയിലാണ്. വിവരമറിഞ്ഞ് രാവിലെയോടെ പന്മന വില്ലേജ് ഓഫിസര്‍ പൈലിയുടെ വീട് സന്ദര്‍ശിച്ച് വിവരങ്ങള്‍ ശേഖരിച്ചു. തേവലക്കര മൊട്ടയ്ക്കല്‍ ചന്ദ്രാസ് ജങ്ഷനില്‍ മരത്തിന്റെ ഒരു ഭാഗം റോഡിലേക്ക് വീണ് ഗതാഗതം തടസ്സപ്പെട്ടു. നാട്ടുകാര്‍ വിവരമറിയിച്ചതിനെ തുടര്‍ന്ന് ചവറ ഫയര്‍ഫോഴ്‌സ് എത്തി ഒടിഞ്ഞ് വീണ മരം മുറിച്ച് മാറ്റി ഗതാഗത തടസ്സം ഒഴിവാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss