|    Aug 17 Fri, 2018 12:54 am

വ്രതശുദ്ധിയുടെ ആത്മനിര്‍വൃതിയില്‍ പെരുന്നാള്‍ ആഘോഷിച്ചു

Published : 17th June 2018 | Posted By: kasim kzm

കോഴിക്കോട്: ത്യാഗത്തിന്റെയും സഹനത്തിന്റെയും വിശ്വാസ പരിശുദ്ധിയുടേയും കഠിനമായ വ്രതാനുഷ്ഠാനങ്ങള്‍ക്ക് പരിസമാപ്തി കുറിച്ച് വിശ്വാസികള്‍ ചെറിയ പെരുന്നാള്‍ ആഘോഷിച്ചു. കാലാവസ്ഥ പ്രതികൂലമായതിനാല്‍ നഗരത്തില്‍ ബീച്ചില്‍ നടത്താറുള്ള ഈദ്ഗാഹ് നടന്നില്ല. പകരം പള്ളികളിലും ഹാളുകളിലുമായിരുന്നു രാവിലെ പെരുന്നാള്‍ നമസ്‌കാരം നടന്നത്. നഗരത്തിലെ മസ്്ജിദുകളില്‍ പ്രാര്‍ഥനാചടങ്ങുകള്‍ക്ക് നല്ല തിരക്കായിരുന്നു. കോഴിക്കോടിനടുത്ത കാപ്പാട് വ്യാഴാഴ്ച സന്ധ്യ മയങ്ങിയതോടെ മാസപ്പിറവി പ്രത്യക്ഷപ്പെട്ടു. ഈദുല്‍ ഫിത്വര്‍ പ്രഖ്യാപനം വന്നതോടെ വീടുകള്‍ പെരുന്നാളാഘോഷത്തിന്റെ തിരക്കിലായി. രാവേറും ചെല്ലുംവരെയും നഗരവും നാടും പെരുന്നാള്‍ രാവിന്റെ ആഹ്ലാദത്തിലമര്‍ന്നു. നിപാ വൈറസിനെ തുടര്‍ന്നും പിന്നീട് കടന്നു വന്ന പ്രകൃതി ദുരന്തത്തിലും മരണം വരിച്ചവരെ ഓര്‍ത്തു കൊണ്ടായിരുന്നു പ്രാര്‍ഥനകള്‍ നടന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss