|    Jun 20 Wed, 2018 5:35 am
Home   >  Todays Paper  >  page 9  >  

വ്യോമാക്രമണത്തില്‍ വൈറ്റ് ഹെല്‍മറ്റ് സംഘം കൊല്ലപ്പെട്ടു

Published : 1st May 2017 | Posted By: fsq

 

ദമസ്‌കസ്: ഹമ പ്രവിശ്യയിലുണ്ടായ വ്യോമാക്രമണത്തില്‍ സിറിയ സിവില്‍ ഡിഫന്‍സിലെ വൈറ്റ് ഹെല്‍മറ്റ് എന്ന പേരില്‍ അറിയപ്പെടുന്ന രക്ഷാപ്രവര്‍ത്തക സംഘത്തിലെ എട്ടുപേര്‍ കൊല്ലപ്പെട്ടു. വടക്കുപടിഞ്ഞാറന്‍ സിറിയയിലെ കഫര്‍ സിതയിലുള്ള വൈറ്റ് ഹെല്‍മറ്റ് കേന്ദ്രത്തിനു നേരെയാണ് ആക്രമണമുണ്ടായത്. രക്ഷാപ്രവര്‍ത്തനത്തിനായി ഓടിക്കൂടിയ സാധാരണക്കാരും അപകടത്തിനിരയായി. പ്രതിപക്ഷ നിയന്ത്രണത്തിലുള്ള പ്രദേശങ്ങളിലെ രക്ഷാപ്രവര്‍ത്തനങ്ങളിലൂടെ ലോകശ്രദ്ധ നേടിയ സംഘടനയ്‌ക്കെതിരേയുണ്ടായ ഏറ്റവും വലിയ ആക്രമണമാണിത്. നേരത്തെ നിരവധി തവണ വൈറ്റ് ഹെല്‍മറ്റ് പ്രവര്‍ത്തകര്‍ സര്‍ക്കാര്‍ സൈന്യത്തിന്റെ വ്യോമാക്രമണത്തിനിരയായിരുന്നു. കെട്ടിടാവശിഷ്ടങ്ങളില്‍ നിന്ന് അഞ്ചുപേരുടെ മൃതദേഹം കണ്ടെടുത്തതായും ബാക്കിയുള്ളവര്‍ക്കായി തിരച്ചില്‍ പുരോഗമിക്കുന്നതായും സംഘടന അറിയിച്ചു. മരണസംഖ്യ ഉയരാനിടയുണ്ടെന്ന് ബ്രിട്ടന്‍ ആസ്ഥാനമായി പ്രവര്‍ത്തിക്കുന്ന സിറിയന്‍ മനുഷ്യാവകാശ നിരീക്ഷക സംഘടന അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss