|    Oct 20 Sat, 2018 3:44 am
FLASH NEWS
Home   >  Pravasi   >  

വ്യാഴാഴ്ച മാസപ്പിറവി കാണാന്‍ സാധ്യതയില്ലെന്ന് വിദഗ്ധര്‍

Published : 24th May 2017 | Posted By: fsq

 

ദോഹ: ഗോളശാസ്ത്ര കണക്കുകള്‍ പ്രകാരം ശനിയാഴ്ചയായാരിക്കും ഖത്തറില്‍ റമദാന്‍ ആരംഭിക്കുകയെന്ന് വിദഗ്ധര്‍. ഖത്തര്‍ കലണ്ടര്‍ ഹൗസിന്റെ കണക്കുകള്‍ പ്രകാരം വ്യാഴാഴ്ച മാസപ്പിറവി കാണാനുള്ള സാധ്യത ഇല്ല. ദോഹയുടെ ആകാശത്ത് മെയ് 25 വ്യാഴാഴ്ച്ച സൂര്യന്‍ അസ്തമിക്കുന്നതിന് 25 മിനിറ്റ് മുമ്പ് ചന്ദ്രന്‍ അസ്തമിക്കും. മക്കയിലും മദീനയിലും മുഴുവന്‍ ഗള്‍ഫ് രാജ്യങ്ങളിലും സൂര്യാസ്തമയത്തിന് 20-26 മിനിറ്റ് മുമ്പ് ചന്ദ്രന്‍ അസ്മതമിക്കും. അറബ് ലോകത്തെ എല്ലാ രാജ്യങ്ങളിലും ഏറെക്കുറെ ഇതു തന്നെയായിരിക്കും അവസ്ഥ. അതു കൊണ്ട് തന്നെ വ്യാഴാഴ്ച രാത്രി നഗ്്‌ന നേത്രങ്ങള്‍ കൊണ്ടോ ഗോളശാസ്ത്ര ടെലിസ്‌കോപ്പ് ഉപയോഗിച്ചോ ദോഹയിലും മറ്റ് അറബ് രാജ്യങ്ങളിലും മാസപ്പിറവി ദര്‍ശിക്കാനാവില്ലെന്ന് ഗോളശാസ്ത്ര വിദഗ്ധന്‍ ഡോ. ബഷീര്‍ മര്‍സൂഖും ഖത്തര്‍ കലണ്ടര്‍ ഹൗസ് ഡയറക്ടര്‍ ഡോ. മുഹമ്മദ് അല്‍അന്‍സാരിയും പറഞ്ഞു. ഈ കണക്കുകള്‍ പ്രകാരം വെള്ളിയാഴ്ച ശഅബാന്‍ 30 പൂര്‍ത്തിയാവുകയും ശനിയാഴ്ച റമദാന്‍ 1 ആരംഭിക്കുകയും ചെയ്യും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss