|    Sep 24 Mon, 2018 5:43 am
FLASH NEWS

വ്യാപാര സ്ഥാപനത്തില്‍ സിപിഎം പത്രം നിര്‍ബന്ധമാക്കിയതിനെതിരേ പ്രതിഷേധം

Published : 15th December 2017 | Posted By: kasim kzm

എരുമപ്പെട്ടി: കടങ്ങോട് പഞ്ചായത്തിലെ വ്യാപാരസ്ഥാപനങ്ങളില്‍ കയറി സിപിഎം നേതാക്കളും പഞ്ചായത്ത് പ്രസിഡന്റും നിര്‍ബന്ധിച്ച് പാര്‍ട്ടി പത്രം എടുപ്പിക്കുന്നതില്‍ പ്രതിഷേധിച്ച് യൂത്ത് കോണ്‍ഗ്രസ് കടങ്ങോട് മണ്ഡലം കമ്മിറ്റിയുടെ നേതൃത്വത്തില്‍ പ്രകടനം നടത്തി. ഒരു വര്‍ഷത്തേക്കുള്ള വരിസംഖ്യ ഒരാഴ്ചക്കുള്ളില്‍ നല്‍കണമെന്നും അല്ലാത്തപക്ഷം ലൈസന്‍സ് റദ്ദാക്കുമെന്നു ഭീഷണിപ്പെടുത്തുന്നതായും ആരോപണമുണ്ട്. വെള്ളറക്കാട് സെന്ററില്‍ നിന്ന് ആരംഭിച്ച പ്രകടനം പഞ്ചായത്തിനു മുന്നില്‍ സമാപിച്ചു. തുടര്‍ന്ന് നടന്ന പ്രതിഷേധ യോഗം ഡിസിസി സെക്രട്ടറിയും കോണ്‍ഗ്രസ് മണ്ഡലം പ്രസിഡന്റുമായ വി കെ രഘുസ്വാമി ഉദ്ഘാടനം ചെയ്തു. യൂത്ത് കോണ്‍ഗ്രസ് കടങ്ങോട് മണ്ഡലം പ്രസിഡന്റ് ലിബിന്‍ കെ മോഹനന്‍ അധ്യക്ഷത വഹിച്ചു. പഞ്ചായത്ത് പ്രതിപക്ഷനേതാവ് പി സി ഗോപാലകൃഷ്ണന്‍, എ കെ റസാഖ്, സി വി മുത്തു സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss