|    Oct 22 Mon, 2018 2:17 pm
FLASH NEWS
Home   >  Todays Paper  >  page 9  >  

വ്യാപാര യുദ്ധം: സാമ്പത്തികവ്യവസ്ഥയെ ബാധിക്കുമെന്ന് ഡബ്ല്യുടിഒ

Published : 26th September 2018 | Posted By: kasim kzm

ബെര്‍ലിന്‍: വ്യാപാര യുദ്ധങ്ങള്‍ക്കെതിരേ ലോക വ്യാപാര സംഘടനയുടെ മുന്നറിയിപ്പ്. വ്യാപാരയുദ്ധം ലോക സാമ്പത്തിക വളര്‍ച്ചാ നിരക്കിനെ പ്രതികൂലമായി ബാധിക്കുമെന്നും ആരും ജയിക്കില്ലെന്നും ലോക വ്യാപാര സംഘടനാ ഡയറക്ടര്‍ ജനറല്‍ റോബര്‍ട്ടോ അസവിദോ ചൂണ്ടിക്കാട്ടി.
ബെര്‍ലിനില്‍ നടന്ന ചടങ്ങിലാണു യുഎസ്-ചൈന വ്യാപാരയുദ്ധത്തെ അദ്ദേഹം രൂക്ഷമായി വിമര്‍ശിച്ചത്. യുദ്ധം സാമ്പത്തിക അസ്ഥിരതയ്ക്കും തൊഴിലില്ലായ്മയ്ക്കും കാരണമാവും. അന്താരാഷ്ട്ര വ്യാപാര സഹകരണത്തെയും സാരമായി ബാധിക്കും.
യൂറോപ്യന്‍ യൂനിയനില്‍ മാത്രമായി 1.7ശതമാനം ജിഡിപി വളര്‍ച്ചാനിരക്കില്‍ കുറവുണ്ടായതായും അദ്ദേഹം ചൂണ്ടിക്കാട്ടി.
നവംബറില്‍ ബ്യൂണസ് ഐറിസില്‍ നടക്കാനിരിക്കുന്ന ജി 20 ഉച്ചകോടിയില്‍ സ്വതന്ത്ര വ്യാപാരത്തെ സംരക്ഷിക്കുന്നതിനുള്ള നയങ്ങള്‍ കൊണ്ടുവരുമെന്നും അദ്ദേഹം പറഞ്ഞു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss