|    Sep 22 Sat, 2018 10:47 pm
FLASH NEWS

വ്യാപാരിയുടെ പണം കവര്‍ന്നു; ഒരാള്‍ പിടിയില്‍

Published : 21st December 2017 | Posted By: kasim kzm

ഒറ്റപ്പാലം: ബസ് കാത്തുനില്‍ക്കുകയായിരുന്ന വ്യാപാരിയുടെ ഒന്നരലക്ഷംരൂപ കവര്‍ന്ന ഒരാളെ നാട്ടുകാര്‍ പിടികൂടി പോലിസില്‍ ഏല്‍പ്പിച്ചു. ഒപ്പമുണ്ടായിരുന്ന ഒരാള്‍ ഓടിരക്ഷപ്പെട്ടു. പിലാത്തറ കിഴക്കേക്കര അബ്ദുല്ല കുട്ടി(അബ്ദുള്ള-58)യെ ആണ് എഎസ്‌ഐ സേതുമാധവന്റെ നേതൃത്വത്തിലുള്ള സംഘം നാട്ടുകാരുടെ സഹായത്തോടെ അറസ്റ്റ് ചെയ്തത്. ഇന്നലെ രാവിലെ 9 മണിയോടെ ചിനക്കത്തൂര്‍ കാവിന് സമീപത്തെ ബസ് സ്‌റ്റോപ്പില്‍ വെച്ചായിരുന്നു സംഭവം. പാലപ്പുറത്ത് പലചരക്ക് വ്യാപാരം നടത്തുന്ന മുഹമ്മദ് കാസിം സാധനങ്ങള്‍ വാങ്ങാന്‍ പാലക്കാട്ടേക്ക് ബാസ് കാത്തുനില്‍ക്കുന്നതിനിടെയാണ് കയ്യിലുണ്ടായിരുന്ന ഒന്നര ലക്ഷംരൂപ കവര്‍ന്നത്. അബ്ദുല്ല കുട്ടിയും ഒപ്പമുണ്ടായിരുന്നയാളും ചേര്‍ന്ന് ദേഹോപദ്രവം ഏല്‍പിച്ചാണ് പോക്കറ്റില്‍ സൂക്ഷിച്ചിരുന്ന പണം കവര്‍ന്നത്. കാസിം ബഹളം വെച്ചതിനെത്തുടര്‍ന്ന് ഓടിക്കൂടിയ നാട്ടുകാര്‍ അബ്ദുല്ല കുട്ടിയെ തടഞ്ഞുവെച്ചെങ്കിലും ഒപ്പമുണ്ടായിരുന്നയാള്‍ ഓടി രക്ഷപ്പെടുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss