|    Jun 19 Tue, 2018 4:52 am

വ്യാജ ശമ്പള സര്‍ട്ടിഫിക്കറ്റ് കേസ് : അരലക്ഷം തട്ടിയ യുവാക്കള്‍ക്ക് തടവ്

Published : 26th May 2017 | Posted By: fsq

 

കണ്ണൂര്‍: വ്യാജ ശമ്പള സര്‍ട്ടിഫിക്കറ്റ് ഹാജരാക്കി അരലക്ഷം രൂപ തട്ടിയെടുത്ത കേസില്‍ രണ്ടു യുവാക്കളെ കോടതി ശിക്ഷിച്ചു. തളിപ്പറമ്പ് ചുഴലി ചിറയില്‍ ഹൗസില്‍ സുനില്‍കുമാര്‍ (36), പട്ടുവം അവരോത്ത് ഉമാദത്ത് (45) എന്നിവരെയാണ് കണ്ണൂര്‍ ഫസ്റ്റ്ക്ലാസ് മജിസ്‌ട്രേറ്റ് എം സി ആന്റണി മൂന്നരവര്‍ഷം കഠിന തടവിനും 7000രൂപ വീതം പിഴയടക്കാനും ശിക്ഷിച്ചത്. പിഴയടച്ചില്ലെങ്കില്‍ മൂന്നുമാസം അധിക തടവനുഭവിക്കണം. 2006 ജനുവരി ഒന്നിനായിരുന്നു കേസിനാസ്പദമായ സംഭവം. തളിപ്പറമ്പ് എംപ്ലോയ്‌മെന്റ് എക്‌സ്‌ചേഞ്ചിലെ പ്യൂണെന്നു പറഞ്ഞാണ് രണ്ടാം പ്രതിയായ ഉമാദത്ത് പിന്നാക്ക വികസന കോര്‍പറേഷന്റെ കണ്ണൂര്‍ ശാഖയില്‍നിന്ന് 50,000 രൂപ വാങ്ങാന്‍ ജാമ്യം നിന്നത്. ഇതിനായി വ്യാജരേഖയുണ്ടാക്കി. പണം തിരിച്ചടക്കാത്തതിനെ തുടര്‍ന്ന് റവന്യൂ റിക്കവറിക്ക് അധികൃതര്‍ എത്തിയപ്പോഴാണ് പ്രതികള്‍ എംപ്ലോയ്‌മെന്റ് എക്‌സ്‌ചേഞ്ചില്‍ ഇല്ലെന്ന് ബോധ്യപ്പെട്ടത്. ഹാജരാക്കിയ രേഖകള്‍ വ്യാജമാണെന്ന് പിന്നീട് കണ്ടെത്തിയിരുന്നു. ടൗണ്‍ പോലിസാണ് കേസന്വേഷിച്ചത്. മൂന്നാം പ്രതി ചുഴലിയിലെ തമ്പാന്‍ വിചാരണവേളയില്‍ മരണപ്പെട്ടിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss