|    Oct 15 Mon, 2018 8:21 pm
FLASH NEWS
Home   >  Todays Paper  >  Page 4  >  

വ്യാജ പരാതി: സ്റ്റുഡിയോ ഉടമയെ വെറുതെ വിട്ടു

Published : 10th October 2018 | Posted By: kasim kzm

ചാവക്കാട്: വീട്ടില്‍ കയറി ഭീഷണിപ്പെടുത്തിയെന്നും പീഡിപ്പിക്കാന്‍ ശ്രമിച്ചെന്നും കാട്ടി പോലിസില്‍ വ്യാജ പരാതി നല്‍കിയ കേസില്‍ സ്റ്റുഡിയോ ഉടമയെ കുറ്റക്കാരനല്ലെന്നുകണ്ട് കോടതി വെറുതെവിട്ടു. ഗുരുവായൂര്‍ ക്ഷേത്രത്തില്‍ ഫോട്ടോഗ്രഫി കരാര്‍ ഏറ്റെടുത്ത് നടത്തിയിരുന്ന സ്റ്റുഡിയോ ഉടമയായ പ്രദീപിനെയാണ് ചാവക്കാട് ഒന്നാംക്ലാസ് മജിസ്‌ട്രേറ്റ് കെ ബി വീണ വെറുതെ വിട്ടുകൊണ്ട് ഉത്തരവായത്. ഗുരുവായൂര്‍ സ്വദേശിനിയാണ് പ്രദീപിനെതിരേ കേസ് നല്‍കിയത്. ഗുരുവായൂര്‍ ക്ഷേത്രത്തില്‍ ഫോട്ടോഗ്രഫി കരാര്‍ ഏറ്റെടുത്ത് നടത്തിയിരുന്ന സ്റ്റുഡിയോ ഉടമയായ പ്രദീപിനൊപ്പം ബിസിനസ് പങ്കാളിയായിരുന്നു പരാതിക്കാരി. ഇവര്‍ തമ്മില്‍ ബിസിനസ് സംബന്ധമായ തര്‍ക്കങ്ങള്‍ നിലനില്‍ക്കെയാണ് 2013ല്‍ യുവതി ഗുരുവായൂര്‍ പോലിസില്‍ പരാതിനല്‍കിയത്. ജാമ്യമില്ലാ വകുപ്പ് ചുമത്തി ഗുരുവായൂര്‍ ടെംപിള്‍ പോലിസ് കേസെടുത്തിരുന്നു. ഇതോടെ പ്രദീപ് തൃശൂര്‍ സിറ്റി പോലിസ് കമ്മീഷണര്‍ക്ക് പരാതി നല്‍കി. തുടരന്വേഷണത്തില്‍ പരാതി വ്യാജമാണെന്ന് കണ്ടെത്തുകയായിരുന്നു. പ്രദീപിനു വേണ്ടി അഡ്വ. പി എ പ്രദീപ് ഹാജരായി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss