|    Oct 17 Tue, 2017 3:50 am
FLASH NEWS
Home   >  Todays Paper  >  page 7  >  

വ്യത്യസ്ത നിറങ്ങളില്‍ ബാലറ്റ് പേപ്പറുകള്‍

Published : 19th June 2017 | Posted By: fsq

 

ന്യൂഡല്‍ഹി: ജൂലൈ 17നു നടക്കാനിരിക്കുന്ന രാഷ്ട്രപതി തിരഞ്ഞെടുപ്പില്‍ എംഎല്‍എമാരുടെയും എംപിമാരുടെയും ബാലറ്റ് പേപ്പറിലെ നിറങ്ങള്‍ വ്യത്യാസപ്പെടും. എംപിമാര്‍ക്ക് പച്ച നിറത്തിലുള്ളതും എംഎല്‍എമാര്‍ക്ക് പിങ്ക് നിറത്തിലുള്ള ബാലറ്റ് പേപ്പറുകളുമായിരിക്കും. ജൂലൈ ഒന്ന് വൈകുന്നേരം വരെ എന്‍ഡിഎയോ പ്രതിപക്ഷമോ തങ്ങളുടെ സ്ഥാനാര്‍ഥിയെ പിന്‍വലിച്ചില്ലെങ്കില്‍ മാത്രമേ തിരഞ്ഞെടുപ്പിനുള്ള ബാലറ്റ് പേപ്പറുകളുടെ അച്ചടി ആരംഭിക്കുകയുള്ളൂ. പ്രതിനിധീകരിക്കുന്ന സംസ്ഥാനത്തിന്റെ ജനസംഖ്യക്കനുസരിച്ചായിരിക്കും എംഎല്‍എയുടെ വോട്ട് മൂല്യം. അതേസമയം, എംപിയുടെ വോട്ട് മൂല്യം വ്യത്യാസപ്പെടുകയില്ല. ഇത് 708 ആയിരിക്കും. ബാലറ്റ് പേപ്പറുകള്‍ വ്യത്യസ്ത നിറത്തിലാവുമ്പോള്‍ തിരഞ്ഞെടുപ്പുദ്യോഗസ്ഥന് വോട്ട് മൂല്യം കണക്കാക്കി എളുപ്പത്തില്‍ വോട്ടെണ്ണാന്‍ സാധിക്കും. വോട്ടെണ്ണലിനായി ബാലറ്റ് പെട്ടികള്‍ ജൂലൈ 20ന് ഡല്‍ഹിയിലെത്തിക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക