|    Oct 17 Tue, 2017 10:41 pm
FLASH NEWS
Home   >  Todays Paper  >  page 10  >  

വോഡഫോണ്‍ ജികെഎസ്എഫുമായി കൈകോര്‍ക്കുന്നു

Published : 30th October 2015 | Posted By: SMR

കൊച്ചി: ഗ്രാന്‍ഡ് കേരള ഷോപ്പിങ് ഫെസ്റ്റിവലിന്റെ ഒമ്പതാമത് സീസണില്‍ ജികെഎസ്എഫ് വ്യാപാരസ്ഥാപനങ്ങളിലൂടെ നല്‍കുന്ന എല്ലാ കൂപ്പണിലും സമ്മാനം വാഗ്ദാനം ചെയ്ത് വോഡഫോണ്‍ സെല്ലുലാര്‍ ലിമിറ്റഡ് ജികെഎസ്എഫിന്റെ കമ്മ്യൂണിക്കേഷന്‍ പാര്‍ട്ണറാവുന്നു. ജികെഎസ്എഫ് കൂപ്പണുകളില്‍ നല്‍കുന്ന തദ്‌സമയ സമ്മാനങ്ങളായ പണത്തിനും സ്വര്‍ണനാണയങ്ങള്‍ക്കും പുറമെയാണ് ഈ സമ്മാനങ്ങള്‍. ജികെഎസ്എഫ് കൂപ്പണിന്റെ ഭാഗമായി ചേര്‍ത്ത വോഡഫോണ്‍ കൂപ്പണ്‍ വോഡഫോണിന്റെ ഷോറൂമില്‍ നല്‍കിയാല്‍ സൗജന്യ സിം കാര്‍ഡുകള്‍ അനുവദിക്കും. ഈ സിം കാര്‍ഡുകളില്‍ ഒരുവര്‍ഷത്തേക്ക് റീചാര്‍ജ് ചെയ്യുന്ന മുഴുവന്‍ തുകയ്ക്കുമുള്ള സംസാരസമയം ഉപഭോക്താവിനു ലഭിക്കും.
ജികെഎസ്എഫില്‍ ഇത്തവണ രജിസ്റ്റര്‍ ചെയ്യുന്ന വ്യാപാരികള്‍ക്കും വോഡഫോണ്‍ പ്രത്യേക സൗജന്യ പദ്ധതി ആവിഷ്‌കരിച്ചിട്ടുണ്ട്. ഇന്ത്യയിലെയും കേരളത്തിലെയും പല പ്രധാന ബ്രാന്‍ഡുകളും ഇതുപോലെ ആകര്‍ഷകമായ നിരവധി പദ്ധതികളുമായി ഈ സീസണില്‍ ജികെഎസ്എഫുമായി സഹകരിക്കുമെന്ന് ഡയറക്ടര്‍ കെ എം അനില്‍ മുഹമ്മദ് അറിയിച്ചു.ജികെഎസ്എഫ് സംസ്ഥാന കോ-ഓഡിനേറ്റര്‍ വി വിജയന്‍ സ്വാഗതവും ഈവന്റ് കോ ഓഡിനേറ്റര്‍ വി മധുസൂദനന്‍ നന്ദിയും പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക