|    Apr 19 Thu, 2018 5:01 pm
FLASH NEWS
Home   >  Todays Paper  >  Page 4  >  

വോട്ടിന്് പണം: ബിജെപി നേതാവിനെതിരേ കേസ്

Published : 5th April 2018 | Posted By: kasim kzm

ചെങ്ങന്നൂര്‍: ചെങ്ങന്നൂര്‍ ഉപതിരഞ്ഞെടുപ്പിനു വോട്ടര്‍മാര്‍ക്ക് പണം നല്‍കിയ സംഭവത്തില്‍ ബിജെപി നേതാവിനെതിരേ കേസെടുത്തു. ബിജെപി എക്‌സ് സര്‍വീസ്‌മെന്‍ സെല്ലിന്റെ കോ-കണ്‍വീനര്‍ അരവിന്ദാക്ഷന്‍ പിള്ള എന്ന കെ എ പിള്ളയ്‌ക്കെതിരേയാണ് ചെങ്ങന്നൂര്‍ ജുഡീഷ്യല്‍ ഫസ്റ്റ്ക്ലാസ് കോടതി മജിസ്‌ട്രേറ്റ് രേഷ്മ ശശിധരന്‍ കേസെടുക്കാന്‍ അനുമതി നല്‍കിയത്. ഐപിസി 123 ഇ വകുപ്പു പ്രകാരമാണ് ചെങ്ങന്നൂര്‍ പോലിസ് കേസ് രജിസ്റ്റര്‍ ചെയ്തിരിക്കുന്നത്. പണം ഉപയോഗിച്ച് വോട്ട് സ്വാധീനിക്കാന്‍ ശ്രമിച്ചതിനാണു കേസ്.
എന്‍ഡിഎ സ്ഥാനാര്‍ഥി പി എസ് ശ്രീധരന്‍ പിള്ളയ്ക്ക് വോട്ട് ചെയ്യണമെന്ന് ആവശ്യപ്പെട്ട് വീടുകള്‍ സന്ദര്‍ശിക്കവേ കെ എ പിള്ള കഴിഞ്ഞദിവസം പണം വിതരണം ചെയ്തിരുന്നു.  ഇത് സംബന്ധിച്ച് പണം ലഭിച്ച കുട്ടികളുടെ വെളിപ്പെടുത്തലും പുറത്തുവന്നിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss