|    Jun 25 Mon, 2018 11:54 am
FLASH NEWS

വോട്ടര്‍ കിയോസ്‌ക് ഉദ്ഘാടനം ചെയ്തു

Published : 7th April 2016 | Posted By: SMR

കോട്ടയം: തിരക്കുള്ള യാത്രക്കാര്‍ക്ക് വോട്ടര്‍പട്ടികയില്‍ പേരു ചേര്‍ക്കാന്‍ ഇനി അക്ഷയ കേന്ദങ്ങള്‍ വരെ പോവേണ്ടതില്ല. മറ്റ് ജില്ലകളില്‍ ജോലി ചെയ്യുന്ന കോട്ടയക്കാര്‍ക്ക് അനുഗ്രഹമായി ജില്ലയില്‍ വോട്ടര്‍ കിയോസ്‌കുകള്‍ ആരംഭിച്ചു. യാത്രാ മധ്യേ കോട്ടയം ബസ് സ്റ്റാന്‍ഡിലോ റെയില്‍വേ സ്റ്റേഷനിലോ കാത്തിരിക്കുന്ന സമയം ഉപയോഗപ്പെടുത്തി വോട്ടര്‍പട്ടികയില്‍ പേരു ചേര്‍ക്കാം. കെഎസ്ആര്‍ടിസി ബസ് സ്റ്റാന്‍ഡ്, കോട്ടയം റെയില്‍വേ സ്റ്റേഷന്‍, മുനിസിപ്പല്‍ ഓഫിസ് കോംപ്ലക്‌സ് എന്നിവിടങ്ങളിലാണ് കിയോസ്‌കുകള്‍ തുടങ്ങിയത്.
വോട്ടര്‍ പട്ടികയില്‍ പേരു ചേര്‍ക്കാനും വോട്ടു ചെയ്യുന്നത് പരിശീലിക്കാനും കിയോസ്‌കുകളില്‍ സൗകര്യമുണ്ട്. അക്ഷയ സംരംഭകര്‍ക്കാണ് കിയോസ്‌കുകളുടെ നടത്തിപ്പു ചുമതല. അസി. കലക്ടര്‍ ഡോ. ദിവ്യ എസ് അയ്യര്‍ കിയോസ്‌കുകള്‍ ഉദ്ഘാടനം ചെയ്തു. ഇലക്ഷന്‍ ഡെപ്യൂട്ടി കലക്ടര്‍ മാഗി സീമന്തി, അക്ഷയ ജില്ലാ പ്രോഗ്രാം മാനേജര്‍ സംഗീത് സോമന്‍, അസി. കോ-ഓര്‍ഡിനേറ്റര്‍ എസ് ടിനു, സ്വീപ്പ്-ഇലക്ഷന്‍ ടീം അംഗങ്ങള്‍ പങ്കെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss