|    Nov 21 Wed, 2018 3:39 am
FLASH NEWS
Home   >  Todays Paper  >  page 7  >  

വൈദ്യുതാഘാതമേറ്റ് ഒഡീഷയില്‍ ഏഴ് ആനകള്‍ ചത്തു

Published : 29th October 2018 | Posted By: kasim kzm

ഭുവനേശ്വര്‍: ഒഡീഷയിലെ ധേന്‍കനല്‍ ജില്ലയിലെ ഗ്രാമത്തിനടുത്ത് ഏഴ് ആനകള്‍ റെയില്‍വേയുടെ വൈദ്യുതിലൈനില്‍ നിന്നു ഷോക്കേറ്റ് മരിച്ചു. കമലാങ്ക ഗ്രാമത്തിനടുത്ത് വെള്ളിയാഴ്ചയാണ് ആനകളുടെ ജഡം കണ്ടെത്തിയത്.
സദര്‍ കാട്ടില്‍ നിന്നു വെള്ളത്തിനായി 13 ആനകള്‍ രാത്രി ഗ്രാമത്തിലെത്തിയിരുന്നു. ഇക്കൂട്ടത്തിലുള്ള ആനകളാണ് അപകടത്തില്‍പ്പെട്ടത്. റെയില്‍വേയുടെ 11 കിലോവാട്ട് വൈദ്യുതിലൈനില്‍ ആനകള്‍ തട്ടിയതാവാം മരണകാരണമെന്നു കരുതുന്നതായി വനംവകുപ്പിലെ മുതിര്‍ന്ന ഉദ്യോഗസ്ഥനായ ജിതേന്ദ്രനാഥ് ദാസ് പറഞ്ഞു.
മൂന്നെണ്ണത്തിന്റെ ജഡം റോഡിലും നാലെണ്ണം സമീപത്തെ കനാലിലുമായിരുന്നു. സംഭവത്തെ കുറിച്ച് ഒഡീഷ സര്‍ക്കാര്‍ അന്വേഷണത്തിന് ഉത്തരവിട്ടിട്ടു.
ശനിയാഴ്ച രാവിലെ ഗ്രാമവാസികളാണ് ആനകള്‍ ചരിഞ്ഞതായി കണ്ടത്. തുടര്‍ന്ന്, വനംവകുപ്പിനെ വിവരമറിയിക്കുകയായിരുന്നു. 2010 ഏപ്രിലിനു ശേഷം ഒഡീഷയില്‍ 102 ആനകള്‍ ഇത്തരത്തില്‍ വൈദ്യുതാഘാതമേറ്റു ചരിഞ്ഞതായി സാമൂഹിക പ്രവര്‍ത്തകര്‍ പറയുന്നു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss