|    Jul 18 Wed, 2018 8:08 am
FLASH NEWS

വൈക്കോല്‍ പുരയ്ക്ക് തീപിടിച്ചു

Published : 30th March 2018 | Posted By: kasim kzm

തിരുവല്ല: ഡിവൈഎസ്പി ഓഫിസിന് സമീപമുള്ള, കന്യാസ്ത്രീകള്‍ താമസിക്കുന്ന മിണ്ടാമഠത്തിലെ വൈക്കോല്‍ സൂക്ഷിച്ചിരുന്ന പുരയ്്ക്ക് തീപിടിച്ചു. ഇന്നലെ രാത്രി ഏഴുമണിയോടെയാണ് സംഭവം.
ഇവിടുത്തെ പശുക്കള്‍ക്ക് നല്‍കാനായി ഇന്നലെ 10 ലോഡോളം കച്ചി ഇറക്കിയിരുന്നു. കടുത്ത ആവിയില്‍ കച്ചിക്കെട്ടിന് സ്വയം തീപിടിക്കുകയായിരുന്നു(സ്‌പൊണ്ടേനിയസ് എമിഷന്‍). തിരുവല്ലയിലെ മൂന്ന് ഫയര്‍ഫോഴ്‌സ് യൂനിറ്റുകളും ചങ്ങനാശേരിയില്‍നിന്നെത്തിയ ഒരു യൂനിറ്റുമുള്‍പ്പെടെ നാല് യൂനിറ്റുകള്‍ ചേര്‍ന്നാണ് തീ നിയന്ത്രണവിധേയമാക്കിയത്. 25 ഓളം ഉദ്യോഗസ്ഥര്‍ ചേര്‍ന്നാണ് നാലുമണിക്കൂറോളം എടുത്താണ് തീ അണച്ചത്. നാലു ലോഡോളം കച്ചി വാരി പുറത്തിടുകയും ചെയ്തു.
അകത്തേക്ക് തീ വ്യാപിച്ചതിനാല്‍ വെള്ളം ഒഴിച്ച് കെടുത്തുകയായിരുന്നു. വൈക്കോല്‍ സൂക്ഷിച്ചിരുന്ന പുരയുടെ ഒരു ഭാഗം പൊളിച്ച് മാറ്റിയാണ് തീ കെടുത്തിയത്. ഫയര്‍ഫോഴ്‌സിന്റെ സന്ദര്‍ഭോചിതമായ ഇടപെടല്‍കൊണ്ട് വന്‍ അത്യാഹിതം ഒഴിവായി. തൊഴുത്തിലുണ്ടായിരുന്ന ഏഴോളം പശുക്കള്‍ പൊള്ളലേല്‍ക്കാതെ രക്ഷപെട്ടു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss