|    Jan 23 Mon, 2017 6:27 pm
FLASH NEWS

വൈക്കത്ത് ഹോട്ടലുകളില്‍ റെയ്ഡ്; പഴകിയ ഭക്ഷ്യവസ്തുക്കള്‍ പിടികൂടി

Published : 1st June 2016 | Posted By: SMR

വൈക്കം: നഗരത്തിലെ ഹോട്ടലുകളിലും കള്ളുഷാപ്പുകളിലും ഇന്നലെ നഗരസഭ ആരോഗ്യവകുപ്പ് നടത്തിയ പരിശോധനയില്‍ പഴകിയ ഭക്ഷ്യവസ്തുക്കള്‍ പിടികൂടി.
വലിയകവല, വല്ലകം, ടൗണ്‍ എന്നിവിടങ്ങളിലെ കള്ളുഷാപ്പുകളില്‍ നിന്ന് താലൂക്ക് ആശുപത്രിക്ക് മുന്നിലെയും കച്ചേരിക്കവലയ്ക്കു സമീപമുള്ള വെജിറ്റേറിയന്‍ ഹോട്ടലില്‍ നിന്നാണ് പഴകിയ ഭക്ഷ്യവസ്തുക്കള്‍ പിടികൂടിയത്.
ഷാപ്പുകളില്‍ നിന്ന് പഴകിയ ഇറച്ചി, മീന്‍കറി, മീന്‍ വറുത്തത്, അപ്പം, കപ്പ എന്നിവയും, ഹോട്ടലില്‍ നിന്ന് പഴകിയ ബിരിയാണിയുമാണ് പിടികൂടിയത്. ഇതേ ഷാപ്പുകളില്‍ നിന്നു മുമ്പും പലതവണ പഴകിയ ഭക്ഷണ പദാര്‍ഥങ്ങള്‍ പിടികൂടിയതു മുന്‍നിര്‍ത്തി നഗരസഭ ആരോഗ്യ വിഭാഗത്തിന്റെ നടപടിക്കു പുറമെ എക്‌സൈസിനും വിവരം കൈമാറി ശക്തമായ നടപടി സ്വീകരിക്കുമെന്ന് ആരോഗ്യവിഭാഗം അധികൃതര്‍ അറിയിച്ചു.
താലൂക്ക് ആശുപത്രിയുടെ മുന്നിലെ ഹോട്ടല്‍ താല്‍ക്കാലികമായി അടച്ചുപൂട്ടി. മഴക്കാല പൂര്‍വ ശുചീകരണ പ്രവര്‍ത്തനങ്ങളുടെ ഭാഗമായാണ് റെയ്ഡ് നടത്തിയത്.

Share on FacebookShare on Google+Tweet about this on TwitterShare on LinkedIn
(Visited 47 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക