|    Oct 16 Tue, 2018 5:01 am
FLASH NEWS
Home   >  Todays Paper  >  page 12  >  

വേമ്പനാട്ട് കായല്‍ സംരക്ഷണത്തിന് സമഗ്ര പദ്ധതി വേണമെന്ന്

Published : 19th September 2018 | Posted By: kasim kzm

കൊച്ചി: പരിസ്ഥിതി നാശം, മലിനീകരണം, കൈയേറ്റം എന്നിവയില്‍ നിന്ന് വേമ്പനാട്ട് കായലിനെ സംരക്ഷിക്കാന്‍ സമഗ്ര പദ്ധതി വേണമെന്ന നിര്‍ദേശത്തോടെ അമിക്കസ്‌ക്യൂറി ഹൈക്കോടതിയില്‍ റിപോര്‍ട്ട് നല്‍കി. വേമ്പനാട് കായല്‍ സംരക്ഷണത്തിനായി ഹൈക്കോടതി സ്വമേധയാ പരിഗണിക്കുന്ന ഹരജിയിലാണ് അമിക്കസ്‌ക്യൂറിയായി നിയോഗിച്ച അഭിഭാഷകന്‍ റിപോര്‍ട്ട് നല്‍കിയത്.
കായലിലെ വേലിയേറ്റത്തിന്റെയും വേലിയിറക്കത്തിന്റെയും പരിധി കൃത്യമായി നിശ്ചയിച്ച് രേഖപ്പെടുത്തിയിട്ടില്ല. ഇവിടെ തീരദേശ മാപ്പ് അന്തിമമാക്കിയിട്ടില്ലെന്നും റിപോര്‍ട്ടില്‍ പറയുന്നു. കായല്‍ത്തീരത്ത് സ്ഥിതി ചെയ്യുന്ന വ്യവസായ സ്ഥാപനങ്ങളുടെ കണക്കിനു വേണ്ടി സമഗ്ര സര്‍വേ നടത്തിയിട്ടില്ല. ഇവയില്‍ ഏതൊക്കെയാണ് മലിനീകരണം ഉണ്ടാക്കുന്നതെന്നു കണ്ടെത്താനായിട്ടില്ല.
ഭൗമശാസ്ത്ര പഠനകേന്ദ്രം ഇക്കാര്യത്തില്‍ പഠനത്തിനു നടപടി തുടങ്ങിയെന്നും റിപോര്‍ട്ടിലുണ്ട്. ഹരജി ഹൈക്കോടതി പിന്നീട് പരിഗണിക്കും.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss